මෙවර FIFA පාපන්දු ලෝක කුසලානයට කෝඩුකාරයින් වන කේප් වර්ඩ් කණ්ඩායම තවත් පෙරළියක් අද සිදු කළා.
ඒ, ඔවුන් මෙවර ලෝක කුසලානය තරගාවලියේ සහභාගී වූ දෙවන තරගයත් ජය පරාජයෙන් තොරව අවසන් කරමින්.
ප්‍රබල උරුගුවේ කණ්ඩායමට එරෙහිව පැවති මෙම තරගය ගෝල දෙකට දෙකක් ලෙස සම තත්ත්වයෙන් අවසන් කරන්නට ඒ අනුව කෝඩුකාර කේප් වර්ඩ් කණ්ඩායමට හැකියාව ලැබුණා.
21 වන මිනිත්තුවේ දී නිදහස් පහරකින් තරගයේ පළමු ගෝලය වාර්තා කළ කෙවින් පිනා කේප් වර්ඩ් කණ්ඩායම වෙනුවෙන් පළමු ලෝක කුසලාන ගෝලය වාර්තා කළා.
අනතුරුව තරගයේ පළමු අර්ධය අවසන්වීමට විනාඩි කිහිපයක් තිබිය දී මැක්සි අරවුජෝ සහ ඇගස්ටින් කැනොබියෝ
උරුගුවේ කණ්ඩායම වෙනුවෙන් ගෝල වාර්තා කළා.
නමුත් 40 හැවිරිදි උරුගුවේ ගෝල රකින්නා වන ෆර්නැන්ඩෝ මුස්ලෙරාගේ වැරැද්ද නිසා 61 වන මිනිත්තුවේ දී කේප් වර්ඩ් කණ්ඩායම වෙනුවෙන් දෙවන ගෝලය වාර්තා කිරීමට හීලියෝ වරේලාට හැකියව ලැබුණා.
ඒ, අනුව මෙම තරගය දෙපිළටම ප්‍රසාද ලකුණු දෙක බැගින් හිමිකර දෙමින් ජට පාරජයෙන් තොරව අවසන් වුණේ කෝඩුකාරයින් වන කේප් වර්ඩ් කණ්ඩායමට පිළිමළුන් පිටුදැකීමේ අදියරට ළඟාවීමේ බාලාපොරොත්තු දල්වමින්.
මෙවර පාපන්දු ලෝක කුසලාන පිටියේ තමන් පෙරළිකාර කණ්ඩායමක් බවට ඔප්පු කළ කේප් වර්ඩ් කණ්ඩායම ඔවුන්ගේ මංගල ලෝක කුසලාන තරගය ද ප්‍රබල ස්පාඤ්ඤයට එරෙහිව ජය පරාජයෙන් තොරව අවසන් කරන්නට හැකියව ලැබුණා.
