මීගොඩ ප්රදේශයේ හයිලෙවල් මාර්ගයේ රොටී දන්සැලක පෝලිමක සිටි පිරිසක් වෙත කැබ්රථයක් ධාවනය වී ඊයේ (31) රාත්රියේ සිදු වූ රිය අනතුරකින් පුද්ගලයින් 06 දෙනෙක් මියගොස් තවත් පුද්ගලයින් 07 දෙනෙක් තුවාල ලැබුවා.
රාත්රී 11.57ට පමණ මෙම අනතුර සිදුව ඇති අතර මෙම අනතුර සිදුකළ කැබ් රථයේ රියදුරාට රියදුරු බලපත්රයන නොමැති බවට අනාවරණය වූ බවයි රථවාහන පාලන හා මාර්ග ආරක්ෂාව භාර නියෝජ්ය පොලිස්පති ඩබ්.පී.ජේ සේනාධීර සඳහන් කළේ.
අද (01) පෙරවරුවේ කැඳවා තිබූ මාධ්ය හමුවක දී නියෝජ්ය පොලිස්පතිවරයා සඳහන් කළේ අනතුර සිදුකළ කැබ් රථයේ ආදායම් බලපත්රය සහ අනෙකුන් ලියකියවිලි කල් ඉකුත් වී තිබූ බවයි.
මේ අතර අනතුර සිදුව අවස්ථාවේ දී කැබ් රථයේ හිමිකරු ද එහි සිට ඇති බවට තොරතුරි හෙළි වී ඇති බවයි නියෝජ්ය පොලිස්පතිවරයා වැඩිදුරටත් පැවසුවේ.
අනතුරින් පසු ඔහු රථයෙන් බැස ගොස් ඇති අතර, ඔහුට එරෙහිව නඩු පැවරීමට කටයුතු කරන බවත් නියෝජ්ය පොලිස්පතිවරයා සඳහන් කළා.
නියෝජ්ය පොලිස්පතිවරයා පවසා සිටියේ මේ වනවිට අත්අඩංගුවේ පසුවන අනතුර සිදුකළ කැබ් රථ රියදුරා වෛද්ය පරීක්ෂණයක යොමුකර අධිකරණය වෙත ඉදිරිපත් කිරීමට අද (01) දිනයේ කටයුතු කරන බවයි.
ඔහුට එරෙහිව අපරාධ නීතිය යටතේ ගෙන ආ හැකි උපරිම චෝදනා ගොනුකරන බවත් නියෝජ්ය පොලිස්පති ඩබ්.පී.ජේ සේනාධීර වැඩිදුරටත් පැවසුවා.
