කළුතර දකුණ පොලිස් කොට්ඨාසයේ, වෙට්ටුවකඩේ ප්රදේශයේ අද (28) පෙරවරුවේ සිදු වූ වෙඩි තැබීමෙන් මියගොස් ඇත්තේ 43 හැවිරිදි වියේ පසු වූ ව්යාපාරිකයෙක් බව පොලිසිය පවසනවා.
මොහොමඩ් ෂෆික් නැමැති මෙම පුද්ගලයා කළුතර මරික්කාර් පෙදෙස ප්රදේශයේ පදිංචිව සිටි අයෙක්.
පෞද්ගලික ආරවුලක් මත මෙම වෙඩි තැබීම සිදුකර ඇති බවට අනාවරණය වී ඇති බවයි වාර්තා වන්නේ.
මෙම වෙඩි තැබීම සම්බන්ධයෙන් කළුතර ජ්යේෂ්ඨ පොලිස් අධිකාරීවරයාගේ ප්රධානත්වයෙන් පොලිස් කණ්ඩායම් තුනක් විමර්ශන සිදුකරනු ලබනවා.
වෙඩි ප්රහාරයට ලක් වූ පුද්ගලයා අද (28) පෙරවරු 8.55ට පමණ ගාලු පාර දෙස සිට පල්ලිය පාරට ගමන් කරමින් සිටිය දී මෝටර් රථයකින් පැමිණි පුද්ගලයින් පිරිසක් ටී 56 වර්ගයේ ගිනි අවියකින් වෙඩි තබා පලාගොස් තිබුණා.
වෙඩි ප්රහාරයට ලක් වූ පුද්ගලයා කළුතර ශික්ෂණ රෝහලට ඇතුළත් කිරීමෙන් පසු මියගොස් ඇති අතර, ඔහුගේ මළ සිරුර එම රෝහලේ මේ වනවිට තැන්පත් කර තිබෙනවා.
මෙම වෙඩි තැබීමේ CCTV දර්ශන නිකුත් වී තිබෙනවා..
