ඉරානය සමඟ දෙවන වටයේ සාකච්ඡා සඳහා එක්සත් ජනපද ජනාධිපති ඩොනල්ඩ් ට්රම්ප්ගේ විශේෂ නියෝජිතන් දෙපළක් අද (25) දිනයේ පාකිස්ථානය බලා යෑමට නියමිත බව ධවල මන්දිරය පවසනවා.
ඒ, අනුව ස්ටීව් විට්කොෆ් සහ එක්සත් ජනපද ජනාධිපතිවරයාගේ බෑණා වන ජරෙඩ් කුෂ්නර් සෙනසුරාදා උදෑසන පාකිස්ථානයේ ඉස්ලාමාබාද් වෙත පිටත්ව යාමට නියමිතව තිබෙනවා.
මේ අතර ධවල මන්දිර මාධ්ය ලේකම් කැරොලයින් ලෙවිට් පැවසුවේ, සාකච්ඡා සාර්ථක වුවහොත් එක්සත් ජනපද උප ජනාධිපති ජේ.ඩී. වැන්ස් පාකිස්ථානයට සංචාරය කිරීමට සූදානමින් සිටින බවයි.
මේ අතර ඉරාන විදේශ අමාත්ය අබ්බාස් අරග්චි ඊයේ (24) සවස ඉස්ලාමාබාද් වෙත පැමිණියා.
ඔහු සමඟ ඉරාන විදේශ අමාත්යාංශ ප්රකාශක එස්මයිල් බකායි ද එහි පැමිණ ඇති අතර, එහිදී පාකිස්ථානයේ ඉහළ මට්ටමේ නිලධරීන් සමඟ සාකච්ඡා පවත්වා තිබෙනවා.
කෙසේ වෙතත් ඉරාන විදේශ අමාත්යාංශ ප්රකාශකවරයා පවසන්නේ මෙම ඉස්ලාමාබාද් සංචාරය තුළ ඉරානය සහ එක්සත් ජනපදය අතර කිසිදු සාකච්ඡාවක් පැවැත්වීමට සැලසුම් කර නොමැති බවයි.
