කොළඹ මහ නගර සභාවේ සිදු වී ඇතැයි සැලකෙන දූෂණ වංචා සම්බන්ධයෙන් සොයා බැලීමට පත් කර ඇති ජනාධිපති පරීක්ෂණ කොමිෂන් සභාව මහජන පැමිණිලි සහ තොරතුරු ලබාගැනීමේ කාලය දීර්ඝ කර තිබෙනවා.
ඒ, අනුව එළඹෙන මාර්තු 16 වනදා එම පරීක්ෂණ කොමිෂන් සභාව වෙත පැමිණිලි සහ තොරතුරු ඉදිරිපත් කළ හැකියි.
මේ සම්බන්ධයෙන් වන ඕනෑම ලිඛිත පැමිණිලි හෝ තොරතුරු සිංහල හෝ දෙමළ හෝ ඉංග්රීසි භාෂාවෙන් කොමිෂන් සභාවේ ලේකම් වෙත “අංක 152, ගාලු පාර, කොළඹ 03” ලිපිනයට යොමු කළ හැකියි.
එම පැමිණිලි හෝ තොරතුරු සපයන අයගේ නම, ලිපිනය, සම්බන්ධ කරගත හැකි දුරකථන අංක, ජාතික හැඳුනුම්පත් අංකය හෝ ගුවන් ගමන් බලපත්ර අංකය සියලුම ඉදිරිපත් කිරීම්වල සඳහන් විය යුතුයි.
තවද ඔහුගේ හෝ ඇයගේ අනන්යතාව හෙළි කිරීමට අකමැති වන්නේ නම් එසේ කිරීමට ඉල්ලා සිටිය හැකියි.
කොමිෂන් සභාවට වාචික ඉදිරිපත් කිරීම් සිදු කිරීමට කැමති ආයතනවලට හෝ පුද්ගලයන්ට, 011 2 301 735 යන දුරකථන අංකය ඇමතීමෙන් 2026 මාර්තු මස 16 වන දින හෝ ඊට ප්රථම දිනයක් නියම කරවා ගැනීමට අවස්ථාව සලසා තිබෙනවා.
