අධිකරණ සහ ජාතික ඒකාබද්ධතා අමාත්ය, නීතිඥ හර්ෂණ නානායක්කාර සහ යුරෝපා සංගමයේ නියෝජිතයින් අතර සාකච්ඡාවක් ඊයේ (10) පස්වරුවේ අධිකරණ සහ ජාතික ඒකාබද්ධතා අමාත්යාංශයේ දී පැවැත් වුණා.
මෙම සාකච්ඡාවේදී නව ත්රස්ත විරෝධී පනත් කෙටුම්පත සම්බන්ධයෙන් අවධානය යොමු කෙරුණා.
මෙම පනත් කෙටුම්පත සඳහා මහජන අදහස් හා යෝජනා අධිකරණ සහ ජාතික ඒකාබද්ධතා අමාත්යාංශයේ ලේකම් වෙත පෙබරවාරි මස 28 වන දින දක්වා යොමු කළ හැකි අතර, එසේ යොමු කරනු ලබන අදහස් හා යෝජනා පිළිබඳව සාධනීය ලෙස සළකා බැලීමෙන් අනතුරුව නව ත්රස්ත විරෝධි පනත් කෙටුම්පත සම්බන්ධයෙන් ඉදිරි කටයුතු සිදුකරන බවද යුරෝපා සංගමයේ නියෝජිතයින් සමඟ පැවති සාකච්ඡාවේදී අමාත්යවරයා සඳහන් කළා.
