නඩු දෙකකට අදාළව අධිකරණයේ පෙනී නොසිටි පාර්ලිමේන්තු මන්ත්රී ජගත් මනුවර්ණ අත්අඩංගුවට ගෙන අධිකරණයට ඉදිරිපත් කරන ලෙසට නියෝග කරමින් කොළඹ කොටුව මහේස්ත්රාත් ඉසුරු නෙත්තිකුමාර මහතා වරෙන්තු නිකුත් කර තිබෙනවා.
ඒ, 2008 වර්ෂයට අදාළව සැකකාර ජගත් මනුවර්ණ යන අයට එරෙහිව එම අධිකරණයේ පවතින නඩු දෙකකට අදාළවයි.
මෙම නඩුව අවසන්වරට අධිකරණය හමුවේ කැඳවූ දිනයේ දී ද සැකකාර පාර්ලිමේන්තු මන්ත්රීවරයා අධිකරණය හමුවේ පෙනී සිටියේ නොමැති අතර, ඔහු වෙනුවෙන් අධිකරණයේ පෙනී සිටි නිතීඥවරයා මහේස්ත්රාත්වරයාට දැනුම් දුන්නේ තම සේවාදායකයා ඉඩම් බෙදාදීමේ ජාතික වැඩසටහනට සහභාගී වී සිටින බැවින් අධිකරණයට පැමිණීමට නොහැකි වූ බවයි.
කෙසේ වෙතත් අද (02) දිනයේද මන්ත්රීවරයා අධිකරණය හමුවේ පෙනී නොසිටි බැවින් ඉදිරිපත් වූ කරුණු සැලකිල්ලට ගත් අධිකරණය සැකකරුට වරෙන්තු නිකුත් කරන ලෙස මහේස්ත්රාත්වරයා නියෝග කරනු ලැබුවා.
wpDiscuz
