අක්කරෙයිපත්තුව මූලික රෝහලේ වෛද්ය අධිකාරිවරයා ඉවත් කරන ලෙස ඉල්ලා රජයේ වෛද්ය නිලධාරින්ගේ සංගමය විසින් නැගෙනහිර පළාතේ සියලුම රෝහල්වල අද (13) දිනයේ සිට ක්රියාත්මක වන පරිදි වර්ජනයක් ආරම්භ කර තිබෙනවා.
අම්පාර දිස්ත්රික්කය ,මඩකලපුව දිස්ත්රික්කය සහ ත්රිකුණාමලය දිස්ත්රික්කයවල සියලුම රොහල්වල වෛද්යවරුන් මෙම වැඩ වර්ජනය සිදුකරන බවයි රජයේ වෛද්ය නිළධාරින්ගේ සංගමයේ මාධ්ය ප්රකාශක වෛද්ය චමිල් විජේසිංහ පැවසුවේ.
අද (13) උදෑසන 8.00ට ආරම්භ වූ මෙම වැඩ වර්ජනය සංකේත වැඩවර්ජනයක් නොව අඛණ්ඩ වැඩ වර්ජනයක් බවයි වෛද්ය චමිල් විජේසිංහ සඳහන් කළේ.
මෙම අඛණ්ඩ වැඩ වර්ජන පැවැත්වෙන කාලය තුළ නැගෙනහිර පළාතේ සියලුම රජයේ රෝහල්වල සියලුම සාමාන්ය සහ දෛනික සේවා නතර වන බවත් හදිසි ප්රතිකාර සේවා සාමාන්ය පරිදි ක්රියාත්මක වන බවයි ඔහු පැවසුවේ.
අක්කරපත්තුව මූලික රෝහලේ වෛද්ය අධිකාරිවරයා පරිපලාන සහ මුදල් විෂාමාචාර සිදුවීම් ඇති නිසා ඔහු එම තනතුරින් ඉවත් කර වෙනත් අධ්යක්ෂකවරයෙකු ඉවත් කරන ලෙස රජයේ වෛද්ය නිලධාරින්ගේ සංගමයේ අම්පාර ශාඛාව මෙන්ම සෞඛ්ය අමාත්යංශයෙන් ඉල්ලීමක් සිදුකර තිබෙනවා.
