මතුගම ප්‍රාදේශීය සභාවේ ලේකම්වරියගේ රාජකාරියට බාධා කළ කියන සිද්ධියකට අදාළව එහි සභාපති කසුන් මුණසිංහ පොලිසිය විසින් අත්අඩංගුවට ගෙන තිබෙනවා.
ඒ, ඔහුව අද (02) දහවල් මතුගම පොලිසිය වෙත රැගෙන ගොස් ප්‍රකාශයක් ලබා ගැනීමෙන් අනතුරුවයි.
අත්අඩංගුවට ගත් සභාපතිවරයා මතුගම මහේස්ත්‍රාත් අධිකරණයට ඉදිරිපත් කිරිමට නියමිත බව පොලිසිය සදහන් කළා.
අද (02) උදෑසන රාජකාරියට වාර්තා කළ අවස්ථාවේ දී සභාවේ සභාපතිවරයා තම රාජකාරියට බාධා කරමින් හැසිරුණු බවට පවසමින් එම සභාවේ ලේකම් නෙලු නිශාන්ති ඉද්දම‍ල්ගොඩ මතුගම පොලිසියට පැමිණිල්ලක් ඉදිරිපත් කර තිබුණා.
එම පැමිණිල්ලට අනුව අද (02) දහවල් පොලිසිය, සභාපතිවරයාව අත්අඩංගුවට ගැනීමට ප්‍රාදේශීය සභාව වෙත පැමිණි අවස්ථාවේ එහි සේවකයින් සහ පොලිසිය අතර උණුසුම් තත්ත්වයක් හට ගත්තා.
එහිදී ප්‍රාදේශීය සභා සේවකයින් විසින් සභාපතිවරයා අත්අඩංගුවට ගැනීම වැළක්වීම සඳහා ඔහුව නිල කාමරය තුළට දමා අඟුළු දැමීමට කටයුතු කර තිබූ බවයි දසත නිවුස් වාර්තාකරු සඳහන් කළේ.
