අන්තර්ජාලය හරහා සමාජ මාධ්ය ජාලා උපයෝගී කර ගනිමින් සිදු කරන මුල්ය අක්රමිකතා සම්බන්ධයෙන් මහජනයා දැනුවත් කිරීම.
අන්තර්ජාලය ඔස්සේ සිදුවන වංචනික ක්රියා, විශේෂයෙන් Telegram / WhatsApp ආදී ගිණුම් හරහා සහ වෙනත් සමාජ මාධ්ය සමූහ උපයෝගී කර ගනිමින් සිදු කරනු ලබන මුල්ය වංචා සම්බන්ධව පැමිණිලි දෛනිකව වාර්තා වන බව පොලිසිය විසින් නිවේදනයක් නිකුත් කරමින් පවසනවා.
2026 වසරේදී මේ සම්බන්ධව මහජනතාවගේ අවධානයට තවදුරටත් යොමු කරමින් සැලසුම් සහගතව නීතිය ක්රියාත්මක කිරීමට ශ්රී ලංකා පොලිසිය කටයුතු යොදා ඇති බවයි එම නිවේදනයේ සඳහන් වන්නේ.
පුද්ගලයින් වංචනිකව රවටා ඔවුන්ගේ ගිණුම් අංක, මුරපද, (User Name/ Password) QR කේත ආදී රහස්ය තොරතුරු ලබා ගනිමින්, මාර්ගගත රැකියා අවස්ථා ලබා දෙන බවට පවසා, විවිධ ගිණුම් වලට මුදල් බැර කර ගැනීම් ආදි වංචා සිදු කරන බවට නිරීක්ෂණය වී ඇති බවයි පොලිසිය පවසන්නේ.
එබැවින් අන්තර්ජාලය භාවිතා කිරීමේදී මෙවැනි වංචා සම්බන්ධයෙන් අවබෝධයෙන් ක්රියා කරන ලෙසටත්, පොලිසිය විසින් නිවේදනය කර ඇති පහත කරුණු සම්බන්ධයෙන් දැනුවත් වන ලෙසටත් පොලිසිය එම නිවේදනය මඟින් මහජනතාවගෙන් ඉල්ලා සිටිනවා.
