ගෞතම් ගාම්භීර් ඉවත්කර ඉන්දීය ටෙස්ට් ක්රිකට් කණ්ඩායමට වෙනත් ප්රධාන පුහුණුකරු ගෙන ඒමට නියමිත බවට ඇතැම් ඉන්දීය මාධ්ය පුවත් වාර්තා කර තිබුණා.
ඉන්දීය කණ්ඩායම අවසන්වරට මව්බිමේ දී දකුණු අප්රිකානු කණ්ඩායම සමඟ ක්රීඩා කළ ටෙස්ට් තරගාවලියෙන් පූර්ණ තරග පරාජයට මුහුණදීමට සිදුවීමත් සමඟ මෙම පුවත මතුව ආවා.
ඉන්දීය ටෙස්ට් ක්රිකට් කණ්ඩායම පුහුණු කිරීමේ වගකීමෙන් ගෞතම් ගාම්භීර් ඉවත්කර, ඔහුව සුදු පන්දුවේ ප්රධාන පුහුණුකරු ලෙස තැබීමට තීරණයක් ඉන්දීය ක්රිකට් පාලක මණ්ඩලය ගෙන ඇති බවයි ඉන්දීය මාධ්ය වාර්තා කළේ.
ගෞතම් ගාම්භීර් වෙනුවට ඉන්දීය ටෙස්ට් කණ්ඩායමේ ප්රධාන පුහුණුකරු ලෙස හිටපු ඉන්දීය ක්රීඩක වී.වී.එස් ලක්ෂ්මන් ගෙන ඒමේ සූදානමක් පවතින බවයි එම පුවත්වල වැඩිදුරටත් දැක් වුණේ.
කෙසේ වෙතත් එලෙස වාර්තාකර තිබූ පුවත් ප්රතික්ෂේප කරමින් ඉන්දීය ක්රිකට් පාලක මණ්ඩලය මේ වනවිට පවසන්නේ එවැනි තීරණයක් ගෙන නොමැති බවයි.
ගෞතම් ගාම්භීර් ටෙස්ට්, එක්දින සහ විස්සයි විස්ස ආකෘති තුනේම ඉන්දීය කණ්ඩායමේ ප්රධාන පුහුණුකරු ලෙස ඉදිරියටත් කටයුතු කරන බවයි ඉන්දීය ක්රිකට් පාලක මණ්ඩලයේ ලේකම් දේවජිත් සයිකියා සඳහන් කළේ.
වී.වී.එස් ලක්ෂ්ම ද එම පුවත ප්රතික්ෂේප කර ඇති අතර, බැංගලෝරයේ පිහිටි ඉන්දීය ක්රිකට් පාලක මණ්ඩලයේ විශිෂ්ටතා මධ්යස්ථානයේ ක්රිකට් ප්රධානියා ලෙස තමන්ගේ වත්මන් භූමිකාව ගැන සෑහීමකට පත්වන බවයි ඔහු පවසා ඇත්තේ.
ඉන්දීය ක්රිකට් ප්රධාන පුහුණුකරු ලෙස කටයුතු කරන ගෞතම් ගාම්භීර්ගේ කොන්ත්රාත් කාලය 2027 ලෝක කුසලානයෙන් පසු අවසන් වනවා.
