අද (19) පෙරවරුවේ පාර්ලිමේන්තු වටරවුමේ දී 20 – 24 විශ්රාමිකයන්ගේ එකමුතුව විසින් අයවැයට විරෝධය දක්වමින් විරෝධතාවයක් සංවිධානය කර තිබුණා.
විශ්රාමිකයන්ට මෙවර අයවැයෙන් ලැබිය යුතු දීමනා ලැබී නොමැති බවයි මෙම විරෝධතාවය සංවිධානය කළ බවයි ඔවුන් සඳහහන් කළේ.
මෙලෙස පැවැත්වූ විශ්රාමිකයන්ගේ විරෝධතාවයට විපක්ෂ නායක සජිත් ප්රේමදාස ද පැමිණියා.
එහිදී අදහස් දැක්වූ විපක්ෂ නායකවරයා කියා සිටියේ මොවුන්ගේ ප්රශ්නය පාර්ලිමේන්තුවේදී හඬ නගන බවත් ආණ්ඩුව මොවුන් වෙනුවෙන් පෙනී සිටීම සිදුකළ යුතු බවත් ය.
”මෙම තත්වය බරපතල අසාධාරණයක් බවත්, පොරොන්දු කඩකිරීමක්, මානව අයිතිවාසිකම් උල්ලංඝනය කිරීමක් බවත් ඒකට විරුද්ධව මේ එක්ලක්ෂ පනස් හතර දහස වෙනුවෙන් අපි පාර්ලිමේන්තුවේ සටන් වදිනවා,අපි රජයේ කොන්ත්රාත් කරන්න හොඳ නැහැ.රැළි නෙවෙයි අවශ්ය වෙන්නේ, ප්රතිඵල,ජනතා ප්රශ්නවලට උත්තර. ඒකයි අවශ්ය වෙන්නේ.මට ආණ්ඩුවේ කොන්ත්රාත්වලට සහභාගී වෙන්න බැහැ.ජනතාවගේ ප්රශ්න ටික විසඳලා දෙන්නම්.”.”යැයි විපක්ෂනායකවරයා මාධ්ය වෙත අදහස් පළකරමින් වැඩිදුරටත් සඳහන් කළා
මෙම ප්රශ්නය සම්බන්ධයෙන් ආණ්ඩුවේ මැති ඇමතිවරුන් සමඟ අවස්ථා රැසක සාකච්ඡා කළ ද කිසිඳු ප්රතිපලයක් නොමැති වූ බවත් එම නිසාවෙන් මෙලෙස පාරට පැමිණීමට සිදු වූ බව 20 – 24 විශ්රාමිකයන්ගේ එකමුතුවේ සභාපතිවරයා පවසා සිටියා.
