මෙලිසා සුළි කුණාටුවෙන් පීඩාවට පත් ජැමෙයිකාව සහ කියුබාව සඳහා මානුෂීය ආධාර ටොන් 20 ක් රැගත් ඉන්දීය ගුවන් හමුදා යානයක් පිටත්ව ගිය බව විදේශ කටයුතු අමාත්ය එස් ජයිශංකර් පැවසුවා.
X හි සටහනක් තබමින්, සහන ද්රව්ය අතර Aarogya Maitri BHISHM Cube, පුනරුත්ථාපන ආධාරක අයිතම, ආහාර සහ දෛනික අවශ්යතා ද්රව්ය, ඖෂධ, වෛද්ය උපකරණ, විදුලි ජනක යන්ත්ර, නවාතැන් ආධාරක සහ සනීපාරක්ෂක කට්ටල ඇතුළත් බව ජයිශංකර් සඳහන් කළා.
ස්වාභාවික විපත් හමුවේ ඉන්දියාව සිය ගෝලීය දකුණු හවුල්කරුවන් සමඟ සිටින අතර යථා තත්ත්වයට පත්විමට සහ ප්රතිසංස්කරණයේ දී සිය මිතුරන්ට සහාය වන බව විදේශ කටයුතු අමාත්යවරයා වැඩිදුරටත් සඳහන් කර තිබුණා.
ජැමෙයිකාව, හයිටි සහ කියුබාවට බලපෑ මෙලිසා සුළි කුණාටුව හේතුවෙන් කැරබියන් දූපත් වල අවම වශයෙන් පුද්ගලයින් 50 දෙනෙකු මිය ගොස් ඇති අතර මරණ සංඛ්යාව තවදුරටත් ඉහළ යා හැකි බවට බලධාරීන් අනතුරු අඟවා ඇති බව අල් ජසීරා වාර්තා කළා.
ජැමෙයිකාවේ සියයට 60කට පමණ විදුලි බලය ඇණහිට ඇතැයි ද සඳහන්.
