වෙඩි ප්රහාරයකට ලක්ව ඝාතනයට ලක්වූ වැලිගම ප්රාදේශීය සභාවේ සභාපති ලසන්ත වික්රමසේකරගේ දේහය පිළිබඳ අවසන් කටයුතු අද (26) පස්වරුවේ සිදු කිරීමට නියමිතව තිබෙනවා.
ඒ, මිදිගම පිහිටි පවුලේ සුසාන භූමියේදීයි.
මේ වනවිට නිවසේ තන්පත් කර ඇති ඔහුගේ දේහය අද (26) පෙරවරු දේහය උදෑසන 11.00ට වැලිගම ප්රාදේශීය සභාව වෙත රැගෙන යාමට ද නියමිතයි.
අනතුරුව දේහය පස්වරුව දක්වා ප්රාදේශීය සභාවේ තැන්පත්කර තැබෙන අතර, ඉන් අනතුරුවයි අවසන් කටයුතු වෙනුවෙන් දේහය පවුලේ සුසාන භූමිය වෙත එය රැගෙන යෑමට නියමිතව ඇත්තේ.
මේ අතර ඝාතනයට ලක් වූ ලසන්ත වික්රමසේකරගේ දේහයට අවසන් ගෞරව දැක්වීමට දේශපාලඥයින් ඇතුළු විශාල පිරිසක් ඊයේ (25) දිනයේත් පැමිණියා.
පසුගිය 22 වනදා පෙරවරුවේ වැලිගම ප්රාදේශීය සභාවේ සභාපති ලසන්ත වික්රමසේකර සිය කාර්යාලය තුළදී නාඳුනන තුවක්කුකරුවෙක් එල්ල කළ වෙඩි පහරකින් ජීවිතක්ෂයට පත් වුණා.
මෙම ඝාතනය සම්බන්ධයෙන් දකුණු පළාත භාර ජ්යෙෂ්ඨ නියෝජ්ය පොලිස්පති කිත්සිරි ජයලත්ගේ සෘජු අධීක්ෂණය යටතේ පත් කෙරුණු පොලිස් කණ්ඩායම් හතරක් විමර්ශන සිදුකරනු ලබනවා.
ආරක්ෂිත කැමරා දර්ශන සහ දුරකථන විශ්ලේෂන වාර්තා ඇතුළු තොරතුරු පදනම් කරගෙන අපරාධය සම්බන්ධයෙන් විමර්ශන සිදුකරනවා.
පොලිසිය සැකපළ කරන්නේ වෙඩික්කරු සහ සහ යතුරුපැදිය පැදවූ පැදිකරු තවමත් දකුණු පළාත තුළම සැඟව සිටින බවයි.
