ඉන්දීය අගමැති නරේන්ද්ර මෝදි සෙනසුරාදා ප්රංශ ජනාධිපති එමානුවෙල් මැක්රොන් සමඟ දුරකථන සංවාදයක් පැවැත්වූවා.
විවිධ ක්ෂේත්රවල ද්විපාර්ශ්වික සහයෝගීතාව සමාලෝචනය කිරීම”යුක්රේන ගැටුම ඉක්මනින් අවසන් කිරීම සහතික කිරීම සඳහා අඛණ්ඩව ගන්නා උත්සාහයන් ඇතුළු ජාත්යන්තර කරුණු කිහිපයක් ද නායකයින් දෙදෙනා සාකච්ඡා කර තිබෙනවා.
“ජනාධිපති මැක්රොන් සමඟ ඉතා හොඳ සංවාදයක් පැවැත්වුවා. විවිධ ක්ෂේත්රවල ද්විපාර්ශ්වික සහයෝගීතාවයේ ප්රගතිය අපි සමාලෝචනය කර ධනාත්මකව තක්සේරු කළා. යුක්රේනයේ ගැටුම ඉක්මනින් අවසන් කිරීම සඳහා ගත් උත්සාහයන් ඇතුළුව ජාත්යන්තර සහ කලාපීය කරුණු පිළිබඳව අදහස් හුවමාරු කර ගත්තා. ගෝලීය සාමය සහ ස්ථාවරත්වය පෝෂණය කිරීමේදී ඉන්දියා-ප්රංශ උපායමාර්ගික හවුල්කාරිත්වය ප්රධාන කාර්යභාරයක් ඉටු කරනු ඇත,” මෝඩි X හි සටහනක් තබමින් පැවසුවා.
“මම අගමැති නරේන්ද්ර මෝදි සමඟ කතා කළා. පසුගිය බ්රහස්පතින්දා පැරිසියේදී ජනාධිපති සෙලෙන්ස්කි සහ අපගේ කැමැත්ත පිළිබඳ සන්ධානයේ හවුල්කරුවන් සමඟ අප කළ කාර්යයේ ප්රතිඵලය මම ඔහුට ඉදිරිපත් කළා. යුක්රේනයේ සාධාරණ හා කල් පවතින සාමයක් අත්කර ගැනීමට ඉන්දියාව සහ ප්රංශය එකම අධිෂ්ඨානයක් බෙදා ගන්නවා. අපගේ මිත්රත්වය සහ අපගේ උපායමාර්ගික හවුල්කාරිත්වය මත ගොඩනඟමින්, සාමය කරා යන මෙම මාවත සොයා ගැනීමට අපි එක්ව ඉදිරියට යන්නෙමු,” මැක්රොන් පවසා තිබුණා.
පෙබරවාරි මාසයේදී ඉන්දියාව විසින් සත්කාරකත්වය දරනු ලබන AI බලපෑම් සමුළුවට ආරාධනය පිළිගැනීම ගැන මැක්රොන්ට ස්තූති කිරීමට ද මෝදි, මෙය අවස්ථාවක් කර ගෙන තිබුණා.
ඇමරිකානු-ඉන්දියානු සබඳතාවල ක්රමයෙන් පුළුල් වන විරසකයක් මධ්යයේ ට්රම්ප් මෝදි සමග එකඟත්වයට පැමිණීමට උත්සාහ කිරීමක් පෙන්නුම් කර පැය කිහිපයකට පසු මෙම දුරකතන සංවාදය පැවැත්වුණා.
සිකුරාදා උදෑසන නිවේදනයක් නිකුත් කරමින් ඇමෙරිකානු ජනාධිපති ඩොනල්ඩ් ට්රම්ප් අවධාරනය කර තිබුණේ දෙරට අතර “ඉතා විශේෂ සම්බන්ධතාවයක්” ඇති බවයි.
ට්රම්ප් අගමැති මෝදි සමඟ සැමවිටම මිත්රශීලීව සිටින බව ද තහවුරු කළා.
“ජනාධිපති ට්රම්ප් මහතාගේ හැඟීම් සහ අපගේ සබඳතා පිළිබඳව කරන ලද ධනාත්මක ඇගයීම් මම ගැඹුරින් අගය කරමි. ඒවාට සම්පූර්ණයෙන්ම ප්රතිචාර දක්වන්නෙමි. ඉන්දියාව සහ එක්සත් ජනපදය ඉතා ධනාත්මක සහ ඉදිරි දැක්මක් සහිත විස්තීර්ණ සහ ගෝලීය උපායමාර්ගික හවුල්කාරිත්වයක් ඇත,” මෝදි X සටහනක් තබමින් ට්රම්ප්ට ප්රතිචාර දැක්වූවා.
