ශ්රී ලංකාවේ හිටපු හමුදාපතිවරයෙකු මෙන් ම හිටපු ආරක්ෂක ලේකම්වරයෙකු ද වූ ජෙනරාල් (විශ්රාමික) හැමිල්ටන් වනසිංහ මහතා අභාවප්රාප්ත වී තිබෙනවා.
වසර 40කට වැඩි කාලයක් මව්බිම වෙනුවෙන් අගනා සේවයක් කළ වනසිංහ මහතා මියයන විට 91වන වියේ පසුවුණා.
1954 වසරේ දී කැඩෙට් නිලධාරීයෙකු ලෙස එවක ලංකා හමුදාවට එක්වූ වනසිංහ මහතා, මූලික යුද පුහුණුව හැදෑරීම සඳහා Sandhurst හි රාජකීය හමුදා විශ්වවිද්යාලයට ඇතුළත් වුණා.
ඉන් අනතුරුව දෙවන ලුතිනන්වරයෙකු ලෙස අධිකාරියට පත්වූ ඔහු ලංකා කාලතුවක්කු හමුදාවේ නිලධාරීයෙකු ලෙස පත් කරනු ලැබුවා.
යුද හමුදාධිපති ලෙස පත්වීමට පෙර ඔහු හමුදාවේ විවිධ තනතුරු රැසක් හොබවනු ලැබූ ඔහු, 1988 වසරේ දී මෙරට 11 වන යුද හමුදාධිපති ලෙස පත් වුණා.
වනසිංංහ මහතා 1995 යුද හමුදාවෙන් විශ්රාම ගත් අතර, ඉන් අනතුරුව මෙරට ඒකාබද්ධ මෙහෙයුම් අණදෙන නිලධාරී සහ ආරක්ෂක ලේකම් ඇතුළු ප්රධාන තනතුරු කිහිපයක් ද හොබවනු ලැබුවා.
ගම්පහ, මල්වාන ප්රදේශයේ දී උපත ලැබූ හැමිල්ටන් වනසිංහ මහතා ප්රාථමික හා ද්විතීයික අධ්යාපනය කොළඹ ආනන්ද විද්යාලයෙන් හැදෑරුවා.
