ලිඳුල නගර සභාවේ හිටපු සභාපති අත්අඩංගුවට

තලවාකැලේ – ලිඳුල නගර සභාවේ හිටපු සභාපති අසෝක සේපාල අත්අඩංගුවට ගෙන තිබෙනවා.

අද (02) දහවල් ඒ මහතා ව අල්ලස් කොමිසම විසිනුයි අත්අඩංගුවට ගෙන ඇත්තේ.

ඒ එම නගර සභාවට අයත් අංක 12 ගව මස්කඩ කාමරය බදු දීමට අදාළව ලංසු පිරිනැමීමේ දි රජයට සිදු ව ඇතැයි කියන පාඩුවක් සම්බන්ධයෙන්.

ලංසු පිරිනැමීමේ දී වැඩිම ඉල්ලුම්කරුට ලංසුව ලබා නොදී අවම ලංසුවක් වෙත අදාළ ලංසුව පිරිනැමීමෙන් රුපියල් විසිතුන් ලක්ෂ අසූදහසක පාඩුවක් රජයට සිදු කිරීමේ චෝදනාව මත හිටපු සභාපතිවරයාව අල්ලස් කොමිසම විසින් අත්අඩංගුවට ගනු ලැබුවා.