චෙන්නායි සුපර් කින්ග්ස් පරාජයට පත් කිරීමට ප්රතිවාදී රාජස්ථාන් රෝයලස් කණ්ඩායමට ලකුණු 188ක ඉලක්කයක් අද (20) හිමිවුණ.
නව දිල්ලි ක්රීඩාංගණයේ දී ආරම්භ වූ අද තරගයේ කාසියේ වාසිය හිමිවූයේ රාජස්ථාන් නායකයා වෙත යි.
ඔහු පළමු ව පන්දු යැවීම තෝරාගත්තා.
චෙන්නායිවරුන්ගේ මුල් පෙළ පිතිකරුවන් ආරම්භයේ දී මන්දගාමී ස්වරූපයක් සහ දුර්වල පිතිකරණයක් පෙන්නුම් කළ ද, ඉනිම ගොඩනගමින් ඩ්වල් බ්රවිස් සහ ශිවම් ඩබ් ලකුණු පුවරුව 200 සීමාවට ආසන්න කරවීමට දැඩි උත්සාහයක් දැරුවා.
ඊට ආරම්භක පිතිකරු වූ Ayush Mhatre ගේ ලකුණු 43ත්, බ්රවිස්ගේ ලකුණු 42 මෙන් ම ඩබ්ගේ ලකුණු 39 ද මනා ලෙස උපයෝගී වුණා.
මහේන්ද්ර සින්ග් දෝනි ලකුණු 16යි.
කඩුලු බිඳ දැමීමේ දී රාජස්ථාන් වෙනුවෙන් යුද්වීර් සින්ග් සහ ආකාෂ් මද්වාල් කඩුලු 03 බැගින් ද, ටුෂාර් දේශපාන්ඩේ සහ වනිඳු හසරංග එක් කඩුල්ල බැගින් බිඳ දැමුවා.
ඒ අනුව චෙන්නායිවරුන් කඩුලු 08ක් දැවී පන්දුවාර 20 නිමකළේ ලකුණු 187ක් ලබා ගනිමින්.
