ඉදිරි පළාත් පාලන මැතිවරණය සඳහා තැපැල් ඡන්ද පත්රිකා මිලියන 07ක් මුද්රණය කර ඇති බව රජයේ මුද්රණාලය පවසනවා.
එම සියලුම මුද්රිත තැපැල් ඡන්ද පත්රිකා දැනටමත් මැතිවරණ කොමිසම වෙත යොමු කර ඇති බවයි වාර්තා වන්නේ.
මේ අතර පළාත් පාලන ආයතන 114කට අයත් තැපල් ඡන්ද අඩංගු රක්ෂිත පැකට්, තැපැල් දෙපාර්තමේන්තුවට අද (07) දිනයේ භාරදීමට නියමිත බව මැතිවරණ කොමිසම සඳහන් කරනවා.
එලෙස ලැබෙන තැපල් ඡන්ද අඩංගු රක්ෂිත පැකට් අද (07) පස්වරුවේ හෝ හෙට (08) දිනයේ බෙදාහැරිම ආරම්හ කරන බවයි තැපැල් දෙපාර්තමේන්තුව පැවසුවේ.
මේ සමඟ මැතිවරණයට අදාළ රාජකාරි ඉටු කිරීම සඳහා තැපැල් දෙපාර්තමේන්තුව ඊයේ (06) දින සිට සියලුම තැපැල් සේවකයින්ගේ නිවාඩු අවලංගු කර තිබෙනවා.
තැපැල් ඡන්දය ප්රකාශ කිරීම අප්රේල් 22, 23 සහ 24 යන දිනවල සිදුකෙරෙන අතර,එම දිනවල ඡන්දය ප්රකාශ කිරීමට නොහැකිවන ඡන්දදායකයින්ට අප්රේල් 28 සහ 29 යන දිනවල දී ම අවස්ථාව හිමිවනවා.
