පසුගියදා නිමාවට පත් වූ චැම්පියන්ස් කුසලානය (ශූරයින්ගේ කුසලානය) ජයග්රහණය කළ ඉන්දීය කණ්ඩායමට දැවැන්ත ත්යාග මුදලක් ප්රකාශයට පත් කර තිබෙනවා.
එය මුදලින් ඉන්දීය රුපියල් කෝටි 58ක් වන බවයි වාර්තා වන්නේ.
ඉන්දීය ක්රිකට් පාලක මණ්ඩලය (BCCI) විසින් අදාළ ත්යාග මුදල නිවේදනය කර තිබෙනවා.
මෙම චැම්පියන්ස් කුසලානයේ ජයග්රාහකයින් සඳහා ජාත්යන්තර ක්රිකට් කවුන්සිලය මගින් දැනටමත් අමෙරිකානු ඩොලර් මිලියන 2.24ක මුදල් ත්යාගයක් ද පිරිනමනු ලැබුවා.
මාර්තු 09 වැනිදා නවසීලන්තය අවසන් මහා තරගයේ දී කඩුලු 04කින් පරාජයට පත් කරමින් තෙවැනි වරටත් ඉන්දීය කණ්ඩායම ශූරයින්ගේ කුසලානය තම රටට හිමිකර දුන්නා.
“අඛණ්ඩව ICC ශූරතා දිනා ගැනීම විශේෂත්වයක්. මෙම ත්යාගය ගෝලීය වේදිකාවේ ඉන්දීය කණ්ඩායමේ කැපවීම සහ විශිෂ්ටත්වය වෙනුවෙන්” යැයි BCCI සභාපති රොජර් බිනී ප්රකාශ කර තිබෙනවා.
ICC විසින් අවසන් පූර්ව වටය සහ අවසන් තරග හැර, ජයග්රහණය කරන ලද සෑම තරගයක් සඳහා ම (සෑම කණ්ඩායමකට ම) අමතර ඩොලර් 34,000 ක මුදලක් ප්රකාශයට පත් කර තිබුණා.
අනුශූර නවසීලන්තය ඩොලර් මිලියන 1.12 ක් දිනා ගත් අතර, පරාජිත අර්ධ අවසන් පූර්ව වටයට පිවිසි දකුණු අප්රිකාව සහ ඔස්ට්රෙලියාව අමෙරිකානු ඩොලර් 560,000 බැගින් ලබා ගත්තා.
ඊට අමතරව, මෙම චැම්පියන්ස් කුසලානයේ තරග කිරීම සඳහා සුදුසුකම් ලැබූ කණ්ඩායම් 08 ම ඩොලර් 125,000 බැගින් ද හිමිවුණා.
