ලෝකයේ මහද්වීප හතේ උසම කඳු තරණය කිරීම අභියෝගයක් බවට පත් කර ගත් ශ්‍රී ලාංකික කඳු නැගීමේ ශූර යොහාන් පීරිස් අද (24) දිවයිනට පැමිණියා.
ඇන්ටාටිකාවේ වින්සන්ට් කන්ද සහ දකුණු ආජන්ටිනාවේ ඇකන්කගුවා කන්ද තරණය කිරීමෙන් අනතුරුවයි ඔහු යළිත් මව්බිම වෙත පැමිණියේ.
මේ වනවිට ආසියා මහාද්වීපයේ එවරස්ට්, අප්‍රිකා මහාද්වීපයේ කිලිමැන්ජාරෝ, ඕස්ට්‍රේලියා මහාද්වීපයේ කොසිඩස්කෝ, යුරෝපා මහාද්වීපයේ එල්බ්‍රෙස්, ඇන්ටාටිකා මහාද්වීපයේ වින්සන්ට් සහ දකුණු ඇමෙරිකාවේ ඇකන්කගුවා යන කදු සාර්ථකව තරණය කිරීමට යොහාන් පීරිස් සමත්ව තිබෙනවා.
ඔහුට තවත් ඉතිරිව පවතින්නේ ඇලෙස්කා මහාද්වීපයේ ඩිනාලී කදු මුදුන තරණය කිරීමට පමණයි.
තමන් ඒ සදහා එළඹෙන මැයි මාසයේ මෙරටින් පිටත්ව යන බවයි දිවයිනට පැමිණිපාඩු මධ්‍ය වෙත අදහස් දක්වමින් සඳහන් කළේ.
යොහාන් පීරිස් අද (24) අලුයම 02.20ට දෝහා සිට කටාර් ගුවන් සේවයේ කිව්.ආර්.- 662 දරණ ගුවන් යානයෙන් කටුනායක ගුවන් තොටුපොළ වෙත පැමිණ තිබූ අතර, ඔහුව පිළිගැනීමට ඔහුගේ හිතවතුන් විශාල පිරිසක් ගුවන් තොටුපොළ වෙත පැමිණ සිටියා.
