2025 ලෝක රාජ්ය සමුඵව සහභාගී වීම සඳහා එක්සත් අරාබි එමීර් රාජ්යයට ගොස් සිටින ජනාධිපති අනුර කුමාර දිසානායක මහතා හා කුවේට් රාජ්ය අග්රාමාත්ය ෂෙයික් අහමඩ් අබ්දුල්ලා අල් අහමඩ් අල් සබා මහතා අතර හමුවක් ඊයේ (11) පස්වරුවේ පැවැත්වුණා.
ශ්රී ලංකාවේ දේශපාලන හා මූල්ය ස්ථාවරත්වය තහවුරු වී තිබෙන වත්මන් අවස්ථාවේ ආයෝජන හා සංචාරක ක්ෂේත්ර සඳහා විභවයන් පුළුල් වී ඇති බවයි ජනාධිපතිවරයා මෙහිදී පෙන්වා දුන්නේ.
දෙරට අතර වෙළඳාම ශක්තිමත් කිරිමට හා වෙළඳපොළ විවිධාංගීකරණය කිරීම සම්බන්ධයෙන් මෙහිදී දෙපාර්ශ්වයේ අවධානය යොමු වූ අතර, ඒ සඳහා නව උපායමාර්ග සොයා ගැනීමේ වැදගත්කම පිළිබඳව ද සාකච්ඡා කෙරුණා.
ජාත්යන්තර මූල්ය අරමුදලේ ණය පහසුකම ලබා ගැනීමේ දී කුවේට් රාජ්යය ශ්රී ලංකාවට ලබා දුන් සහයෝගය සම්බන්ධයෙන් ජනාධිපති අනුර කුමාර දිසානායක මහතා විසින් කුවේට් අග්රාමාත්ය ෂෙයික් අහමඩ් අබ්දුල්ලා අල් අහමඩ් අල් සබා මහතාට ස්තුතිය පළ කළා.
කුවේට් රාජ්යයේ ශ්රී ලාංකික ශ්රමිකයින් 155,000ක් පමණ සිටින අතර එයින් අමෙරිකානු ඩොලර් මිලියන 700ක විදේශ ප්රේෂණයක් රටට ලැබෙන බව ද එය ශ්රී ලංකාවේ ආර්ථිකයට විශාල ශක්තියක් වන බව ද ජනාධිපතිවරයා මෙහිදී පෙන්වා දුන්නා.
විදේශ කටයුතු, විදේශ රැකියා හා සංචාරක අමාත්ය විජිත හේරත් මහතා ද ජනාධිපතිවරයා සමඟින් මෙම සංචාරයට එක් ව සිටිනවා.
