අස්වැසුම සමාජ සුභසාධන ප්රතිලාභ එළෙඹෙන ජුනි මාසයේ දී සමාලෝචනයකට භාජනය කරන බව ජනාධිපති අනුර කුමාර දිසානායක පවසනවා.
ජාතික ජන බලවේගයේ අනුරාධපුර සුහද හමුවට අද (26) එක්වෙමින් ජනාධිපතිවරයා මේ බව සඳහන් කළා.
ජනාධිපතිවරයා මෙහිදී වැඩිදුරටත් සඳහන් කර සිටියේ අස්වැසුම සමාජ සුභසාධන ප්රතිලාභය නොලැබිය යුතු පිරිසකට ලැබෙන බවයි.
ඒ, හේතුවෙන් ලබන ජුනි මාසයේ දී මෙලෙස එය සමාලෝචනයකට භාජනය කිරීමට සිදුවන බවයි ඔහු පැවසුවේ.
මේ අතර ජනාධිපතිවරයා මෙහිදී සඳහන් කර සිටියේ රට තුළ පැවති ආධාර ලබාදීමේ ක්රියාවලිය දේශපාලනීකරණය වී තිබූ බවයි.
සමාලෝචනය සිදුකර නිශ්චිතවම ආධාර ලැබිය යුතු පිරිස් හඳුනාගන්නා තෙක් දැනට පවතින ක්රමය ඔස්සේ අස්වැසුම ප්රතිලාභ ලබාදෙන බවයි ඔහු වැඩිදුරටත් සඳහන් කර සිටියේ.
