එළෙඹෙන 2025 වසරේ දී පාසල් පවත්වන දින ගණනේ සංශෝධනයක් සිදුව තිබෙනවා.
ඒ, අනුව රජයේ පාසල්, රජයේ අනුමත පෞද්ගලික පාසල් සහ පිරිවෙන්වල සිසුන්ගේ වාර්ෂික පාසල් පැමිණීමේ දින 210ක අවශ්යතාවය දින 181ක් දක්වා අඩු කර ඇති බවයි වාර්තා වන්නේ.
රජයේ නිවාඩු දින විශාල සංඛ්යාවක් පැවතීම මෙන්ම; පාසල් පළමු වාරය ආරම්භ කිරීම ප්රමාදවීම මීට හේතු වී ඇති බවයි අධ්යාපන අමාත්යංශය සඳහන් කළේ.
2024 අධ්යයන වර්ෂය සඳහා තුන්වන වාරය සම්පූර්ණ කිරීම සඳහා ජනවාරි 02 වනදා සිට 24 දක්වා පළමු සති තුන පාසල් පැවැත්වෙන බැවින්; 2025 වසර සඳහා වන පාසල් ආරම්භය ජනවාරි 27 වන දින සිදුකරන බවයි එම අමාත්යංශය පැවසුවේ.
මීට අමතරව 2025 සඳහා වන රජයේ නිවාඩු දින 26න් සති අන්තයේ ඇත්තේ නිවාඩු දින 04ක් පමණක් වන අතර, අනෙක් සියලු රජයේ නිවාඩු දිනයන් සතියේ දිනවලට යෙදී තිබෙනවා.
ඒ, අනුව දින 210ක් පන්ති පැවැත්වීමට නොහැකි බවත්, 2025 සඳහා පාසල් දින 181කට සීමා කිරීමට අවසර දුන් බවයි අධ්යාපන අමාත්යංශය දැනුම් දුන්නේ.
