පාකිස්තානයේ පවතින රජයට එරෙහි ව ක්‍රියාත්මක වන විරෝධතා රට පුරා අධික වීම හේතුවෙන් මේ වනවිට (17) සම්පූර්ණයෙන් ම නගරයට ඇතුල් වන ප්‍රධාන මාර්ග සහ අතුරු මාර්ග අවහිර වී තිබෙනවා.
විදෙස් මාධ්‍ය වාර්තා පැවසුවේ; නගරබද පොලිසිය විසින් වාහන වෙනත් අතුරු මාර්ගවල හරවා යැවුව ද; එම මාර්ග අවහිරතාවලට විසඳුම් නොලැබුණු බවයි.
ඊයේ සහ පෙරේදා දිනයන්හි දී සති අන්තය තුළ පාකිස්තානයේ විරෝධතා තීව්‍ර මට්ටමක පැවතියා.
දැඩි රථවාහන තදබදයක සිර වී සිටි රියදුරන් පවසා ඇත්තේ මහජනතාවගේ ගැටලුවලට විසඳුම් දීමට කිසිදු වගකිවයුතු පාලකයෙකු හෝ බලධාරියෙකු උද්ඝෝෂණ මධ්‍යයට හෝ නො ආ බවයි.
ජාතික අධිවේගී මාර්ගයේ ටවුන්ෂිප් චෝක් අසල දැවැන්ත විරෝධතාවක් ඇති වූ අතර, ඒ හේතුවෙන් පැය ගණනාවක් ගමනාගමනය නතර වී තිබුණා.
අධිවේගී මාර්ගය මත ඉහළ කොටසේ සිට පහළ තෙක් දැඩි රථ වාහන පෝලිමක් දැකිය හැකි අයුරුයි විදෙස් මාධ්‍ය වාර්තා කර තිබුණේ.
මෙම විරෝධතාව පැවැත්වීමට ප්‍රධානතම හේතුව වී තිබුණේ; මීට දින කිහිපයකට පෙර (දෙසැම්බර් 11) බසාර් ප්‍රදේශයේ ඇති වූ ගැටුමක දී පුරවැසියෙකු ඝාතනය කිරීමේ සිද්ධියට එරෙහි ව පොලිසිය ක්‍රියා නොකිරීම හේතුවෙන් බවත් වාර්තා වනවා.
එමෙන්ම ජල හිඟය, නිරතුරුව නගරයේ විදුලි කප්පාදුව හා ආර්ථික පරිහානිය මෙම උද්ඝෝෂණවලට හේතු වනවා.
