පාකිස්ථාන වේග පන්දු යවන ක්රීඩක මොහොමඩ් අමීර් ජාත්යන්තර ක්රිකට් පිටියෙන් සමුගන්නා බව නිවේදනය කර තිබෙනවා.
මොහොමඩ් අමීර් විසින් අද (14) සිය විශ්රාම ගැනීම නිවේදනය කළ බවයි විදෙස් මාධ්ය වාර්තා කරන්නේ.
පාකිස්ථාන තුන් ඉරියව් ක්රීඩක ඉමාඩ් වසීම් ද තවදුරටත් ජාත්යන්තර ක්රිකට් පිටියේ ක්රීඩා නොකරන බව ප්රකාශ කිරීමෙන් දිනකට පසු මොහොමඩ් අමීර් ද සිය සමුගැනීම නිවේදනය කර කළා.
මේ වනවිට 32 හැවිරිදි වියේ පසුවන අමීර්, 2009 ජූනි මාසයේ දී ජාත්යන්තර ක්රිකට් පිටියට පිවිසි අතර, ඔහු පාකිස්ථානය වෙනුවෙන් ටෙස්ට් තරග 36කට, එක්දින තරග 61කට සහ විස්සයි විස්ස තරග 62කට ක්රීඩා කර තිබෙනවා.
ක්රිකට් පිටිය තුළ අවේගශීලි ක්රීඩකයෙක් වන මොහොමඩ් අමීර් මීට පෙර 2021 වසරේ දී සියලු ආකාරයේ ජාත්යන්තර ක්රිකට් වලින් විශ්රාම යන බව ප්රකාශ කර තිබුන ද, ඔහුව මෙම වසරේ පැවති T20 ලෝක කුසලානය සඳහා පාකිස්ථානය කණ්ඩායමට එක්කර ගන්නා බවට ප්රකාශ කිරීමත් සමඟ එම තීරණය වෙනස් කිරීමට ඔහු කටයුතු කළා.
