කටුනායක ආයෝජන ප්‍රවර්ධන කලාපයේ පෞද්ගලික ඇඟලුම් කර්මාන්තශාලාවේ සේවක සේවිකාවන් 50 දෙනෙකු පමණ ආහාර විෂ වීමකින් ප්‍රතිකාර සඳහා රෝහල්ගත කර තිබෙනවා.
දසත ප්‍රාදේශීය වාර්තාකරු පැවසුවේ එම කර්මාන්තශාලාව මගින් සැපයූ උදෑසන ආහාර වේල අනුභව කිරීමෙන් පසුව පෙරවරු 09ට පමණ සේවක සේවිකාවන් රෝගාතුර වී ඇති බවයි.
ක්ලාන්තය, වමනය, පාචනය වැනි රෝග ලක්ෂණ සමග රෝගී වූ මෙම පිරිස මීගමුව රෝහලට ඇතුළත් කර තිබෙනවා.
ඔවුන්ගේ තත්ත්වය බරපතළ නොවන අතර මේ වනවිට ඔවුන් වාට්ටු අංක 02 හා 03හි ප්‍රතිකාර ලබමින් සිටින බවයි වාර්තා වන්නේ.
මේ පිළිබඳ කටුනායක පොලිසිය, මීගමුව රෝහල් පොලිසිය, සීදුව සෞඛ්‍ය වෛද්‍ය නිලධාරී කාර්යාලයේ නිලධාරීන් සහ ප්‍රදේශයේ මහජන සෞඛ්‍ය පරීක්ෂකවරුන් වැඩිදුර විමර්ශන කටයුතු සිදු කරමින් සිටිනවා.
ඔබේ ප්‍රතිචාරය කුමක්ද ?
+1
+1
2
+1
+1
+1
1
+1
+1
