ඇෆ්ගනිස්තානයට එරෙහිව එළඹෙන සතියේ ආරම්භ වන එක්දින තරගවලියේ බංග්ලාදේශ නායකයා ලෙස නජ්මුල් හොසේන් ශන්ටෝ පත්කර තිබෙනවා.
ඒ, ඔහු නායකත්වයෙන් ඉවත්වන බවට බංග්ලාදේශ ක්රිකට් ආයතනයෙන් ඉල්ලීමක් කර තිබෙන පසුබිමකයි.
දකුණු අප්රිකාව සමඟ නිමා වූ ටෙස්ට් තරගාවලියෙන් පසු තමන් නායකත්වයෙන් ඉවත්වන බවට නජ්මුල් හොසේන් එරට ක්රිකට් ආයතනයට දැනුම් දී තිබුණා.
කෙසේ වෙතත් ඇෆ්ගනිස්තානය සමඟ එක්දින තරගාවලියේ දී නායකයා ලෙස කටයුතු කිරීමට ඔහුගෙන් ඉල්ලමක් කර ඇති බවයි තොරතුරු වාර්තා වුණේ.
බංග්ලාදේශ ක්රිකට් සභාපති ෆාරුක් අහමඩ් පසුගිය දා පැවසුවේ මෙම තරගාවලියේ බංග්ලාදේශ පිළේ උප නායකයින් ලෙස
මෙහීදි හසන් මිරාස් සහ ටස්කින් අහමඩ් කටයුතු කරනු ඇති බවයි.
ඒ, අනුව බංග්ලාදේශ ක්රිකට් නව නායකයා ලෙස නායකත්ව සාකච්ඡාවේ මොවුන් දෙදෙනාගේ නම් ඉදිරියෙන් ඇති බව සඳහන්.
බංග්ලාදේශය සහ ඇෆ්ගනිස්තානය අතර තරග තුනකින් සමන්විත එක්දින තරගාවලිය ලබන 06 වනදා එක්සත් අරාබි එමීර් රාජ්යයේ සාජා හිදී ආරම්භවීමට නියමිතයි.
