A9 ප්‍රධාන මාර්ගයේ මැදවච්චිය නගරයේ ඇඟලුම් කම්හල ඉදිරිපිට ලංගම කාර්මික වැඩපොළ අසල වැටී සිටි මියගිය පුද්ගලයකුගේ මළ සිරුරක් ප්‍රදේශවාසීන්ගේ දැනුම්දීමෙන් අනතුරුව මැදවච්චිය පොලිසියේ නිලධාරීන් විසින් සොයාගෙන තිබෙනවා.
පසුව එම ස්ථානයට පැමිණි මැදවච්චිය පොලිසිය සිදු කළ පරීක්ෂාවේ දී මාර්ගය අසල කුඩා ළඳු කැලෑවක තිබී මෙම මළසිරුර සොයාගෙන ඇති බවයි වාර්තා වන්නේ.
මියගිය පුද්ගලයාගේ අනන්‍යතාව මෙතෙක් තහවුරු කරගෙන නොමැති අතර, ඒ වන විටත් මළසිරුර හඳුනාගත නොහැකි ආකාරයට විනාශ වී තිබූ බවයි පැවසෙන්නේ.
සිද්ධිය පිළිබඳ ව මහේස්ත්‍රාත් පරීක්ෂණය ඊයේ පස්වරුවේ මැදවච්චිය ප්‍රධාන මහේස්ත්‍රාත්වරිය විසින් සිදුකළ අතර මරණය සම්බන්ධයෙන් පශ්චාත් මරණ පරීක්ෂණය සඳහා සිරුර අනුරාධපුර ශික්ෂණ රෝහලේ අධිකරණ වෛද්‍යවරයා වෙත යොමු කිරීමට මහේස්ත්‍රාත්වරිය නියෝග කළා.
ඒ අනුව මෙම මරණය පිළිබඳව ඉදිරි විමර්ශන කටයුතු මැදවච්චිය පොලිසිය විසින් සිදු කරනු ලබනවා.
