මිය යන්නට ගිය සර්පයෙක් කෘත්‍රීම ස්වසනය ලබා දී යළි ජීවත්කර වූ පුවතක් ඉන්දීය මාධ්‍ය වාර්තා කරනවා.
ගුජරාට් ප්‍රාන්තයේ වඩෝදරා ප්‍රදේශයේ මෙම අසාමාන්‍ය සිදුවීම සිදුව ඇති අතර, වනජීවී නිලධාරියෙක් විසින් මෙලෙස සර්පයාට යළි ජීවිතය ලබා දී ඇති බවයි වාර්තා වන්නේ.
අඩියක් පමණ දිගකින් යුත් විෂ නොවන පණ නැති සර්පයෙකු සම්බන්ධයෙන් වඩෝදරා ප්‍රදේශයෙන් ඇමතුමක් ලැබී ඇති අතර, එම ඇමතුමට අනුව අදාළ වනජීවී නිලධාරිය එම ස්ථානයට ගොස් තිබෙනවා.
එහිදී කිසිදු චලනයක් නොපෙන්වා ඇති සර්පයා පරීක්ෂාකර බලා ඇති එම නිලධාරියා සත්වයාව අතට ගෙන කෘත්‍රීම ස්වසනය ලබාදීමට පටන්ගත් බව විදෙස් මාධ්‍ය වාර්තා කරනවා.
අවස්ථා කිහිපයක් කෘත්‍රීම ස්වසනය ලබාදීමට කටයුතු කර ඇති අතර, එහිදී කිසිම චලනයක් නොපෙන්වා සිටි සර්පයා යළි පුනර්ජීවනය සංඥා කරමින් චලනයවීමට පටන් ගෙන තිබෙනවා.
මෙම අපූරු ගලවා ගැනීම අසල සිටි අයෙක් වීඩියෝ ගතකර සමාජ මාධ්‍ය වෙත මුදාහැර තිබුණා.
wpDiscuz
