ගාල්ල කොටුව තුළ ක්රියාත්මක වූ ‘වන් වේ’ නැතහොත් එක් මංතීරු නීතිය ඉවත් කර තිබෙනවා.
අද (04) සිට ක්රියාත්මක වන පරිදි මෙම නීතිය ඉවත් කර ඇති බවයි අප ප්රාදේශීය වාර්තාකරු පැවසුවේ.
සංචාරක ගාල්ල කොටුව තුළ එක් දිසාවකට (one way) පමණක් රථ වාහන ධාවනය කිරීමේ නීතිය මීට පෙර ක්රියාත්මක වුණා.
එය අද සිට නවතා දැමීමට කටයුතු කර ඇත්තේ ගාල්ල මහනගර සභාවේ රථවාහන කමිටුව විසින්.
මෙම මංතීරු නීතිය නිසා තමන් මහත් අපහසුවට පත්ව ඇතැයි ත්රිරෝද රථ රියදුරන්, අධිකරණයට පැමිණෙන ජනතාව, නිතිඥවරු, ව්යාපාරිකයින් ඇතුලු මහජනතාව ඉකුත් දිනවල චෝදනා එල්ල කර තිබෙනවා.
එල්ල වූ ජනතා විරෝධය සැලකිල්ලට ගනිමින් මෙම තීරණය ගත් බව ද ගාල්ල මහ නගර සභාව පවසනවා.
ඒ අනුව අද සිට ගාලු කොටුවට තුළට පැරැණි කොටු දොරකඩින් සහ නව කොටු දොරකඩින් පෙර පරිදිම වාහන ඇතුල්වීම හා පිටවීම සිදු කළ හැකි බවයි වාර්තා වන්නේ.
නියමයි