ප්‍රවීණ නර්තනවේදිනී වජිරා චිත්‍රසේන මහත්මිය අභාවප්‍රාප්ත වී තිබෙනවා.
අද (23) දහවල් ඇය අභාවප්‍රාප්ත වී ඇති බවයි වාර්තා වන්නේ.
වර්ෂ 1932 මාර්තු මස 15 වැනි දින මෙලොව එළිය දුටු මේ මහා නර්තනවේදිනිය කොළඹ මෙතෝදිස්ත විද්‍යාලයේ ආදි ශිෂ්‍යාවක් ද වන අතර ඇය මෙරට බිහි වූ පළමු උඩරට නර්තන ශිල්පිනියයි.
දේශමාන්‍ය වජිර චිත්‍රසේන නර්තන ගුරුවරියක් ද වනවා.
සාම්ප්‍රදායිකව පිරිමින් පමණක් ඉදිරිපත් කළ උඩරට නර්තනය ප්‍රගුණ කළ පළමු ශ්‍රී ලාංකික කාන්තාව ලෙස ඉතිහාසගත වන්නේ ද ඇයයි.
කාන්තා උඩරට නැටුම් විලාසය සඳහා සන්නාමයක් නිර්මාණය කිරීම සහ චාරිත්‍රානුකූල නර්තන ශිල්පීන් වීමට කාන්තාවන්ට අවශ්‍ය පසුබිම සැකසීමේ ගෞරවය හිමිවන්නේ දේශමාන්‍ය වජිරා චිත්‍රසේන නර්තනවේදිනියට බවයි පැවසෙන්නේ.
ඇය විවාහ වී සිටියේ ප්‍රවීණ චිත්‍ර ශිල්පියෙකු සහ නර්තන ගුරුවරයෙකු වූ චිත්‍රසේන සමඟයි.
2020 ජනවාරි 26 දින ඇය දිවංගත මහාචාර්ය ඉන්ද්‍රා දසනායක සමඟින් ඉන්දියාවේ 71 වැනි ජනරජ දිනයට සමගාමීව ඉහළම ඉන්දීය සිවිල් සම්මානවලින් එකක් වන පද්ම ශ්‍රී සම්මානයෙන් ද පිදුම් ලැබුවා.
