ඕස්ට්රේලියානු සුපිරි ක්රිකට් ක්රීඩක ඩේවිඩ් වෝනර්ගේ ඡායාරූප පෙළක් මේ වනවිට සමාජ මාධ්යවල සංසරණය වනවා.
37 හැවිරිදි වෝනර් සුදු කලිසමින් සහ කමිසයකින් සැරසී රන්වන් පැහැති පිස්තෝලයක් ද අතැතිව සිටින ආකාරය එම ඡායාරුපවල දක්නට ලැබෙනවා.
මේ සම්බන්ධයෙන් වාර්තා පළකරන විදෙස් මාධ්ය සඳහන් කළේ මෙම ජනප්රිය ක්රිකට් ක්රීඩකයා චිත්රපට රූගත කිරීමක් සඳහා ඒක් වූ අවස්ථාවක මෙම ඡායාරුප ලබාගෙන ඇති බවයි.
මෙම රූගත කිරීම කුමන චිත්රපටයක ද යන්න තවමත් අනවරණය වී නොමැති අතර, බොහෝ විදෙස් මාධ්ය මතපළ කරන්නේ ජනප්රිය ඉන්දීය නළු අල්ලු අර්ජුන්ගේ පුෂ්පා 02 චිත්රපටයේ රංගනය සඳහා වෝනර් මෙලෙස එක් වී ඇති බවයි.
වෝනර් මෙම නව පෙනුමෙන් දැක්වූ රංගනය දැකීමට ඔහුගේ රසිකයන් උද්යෝගිමත්ව පසුවන අතර, ඔහු රූගත කළේ කුමක්දැයි දැකබලා ගැනීම සඳහා ඔවුන් නොඉවසිල්ලෙන් මඟ බලා සිටිනවා.
කෙසේ වෙතත් වෝනර් හෝ පුෂ්පා 02 නිෂ්පාදකයින් මේ සම්බන්ධයෙන් තවමත් කිසිවක් ප්රකාශ කර නොමැති අතර, පුෂ්පා 02 චිත්රපටය එළඹෙන දෙසැම්බර් 06 වනදා ලොව පුරා ප්රදර්ශනය ආරම්භ කෙරෙනවා.
