සද්භාව් මෙහෙයුමේ කොටසක් ලෙස ඉන්දීය රජය යාගි සුලි කුණාටුවෙන් විපතට පත් මියන්මාරය, වියට්නාමය සහ ලාඕසය වෙත මානුෂීය ආධාර යවා ඇති බව විදේශ කටයුතු අමාත්‍ය එස් ජයිශංකර් පවසනවා.
යාගි සුළි කුණාටුවත් සමග ඇති වූ දරුණු ගංවතුරෙන් පසු වියට්නාමයේ හැනෝයි හි මානුෂීය ආධාර සහ ආපදා සහන මෙහෙයුම් සැපයීම සඳහා ඉන්දියානු ගුවන් හමුදාව (IAF) ඉරිදා සිය C-17 Globemaster ගුවන් යානය යෙදවූවා.
වියට්නාමය සඳහා ජලය පිරිපහදු කරන ද්‍රව්‍ය, ජල බහාලුම්, බ්ලැන්කට්, මුළුතැන්ගෙයි උපකරණ, සූර්ය පහන් ඇතුළු ආධාර ටොන් 35ක් රැගෙන එම යානාය හැනෝයි වෙත ළඟා වුණා.
X හි සටහනක් තබමින් විදේශ කටයුතු අමාත්‍ය එස් ජයිශංකර් පැවසුවේ, යාගි සුළි කුණාටුවෙන් විපතට පත් ජනතාව සමඟ අපගේ සහයෝගීතාව ප්‍රදර්ශනය කරමින්, ඉන්දියාව මියන්මාරය, වියට්නාමය සහ ලාඕසය වෙත වියළි ආහාර ඇතුළු ආධාර ටොන් 10 ක් රැගෙන ඉන්දීය නාවික හමුදාවට අයත් INS Satpura නෞකාව පිටත් වූ බවයි.
වසරේ ආසියාවේ ප්‍රබලතම කුණාටුව ලෙස පිළිගැනෙන යාගි සුළි කුණාටුව, පසුගිය සතිය තුළ දකුණු චීනය සහ අග්නිදිග ආසියාව පුරා දැඩි විනාශයක් ඇති කළා.
