වැලිගම නගරයේ ප්‍රසිද්ධ සංචාරක හෝටලයක පැවැති සාදයක දී හෑෂ්, ගංජා සහ හඳුනා නොගත් මත් පෙති සමග දිවයිනේ විවිධ ප්‍රදේශවල පදිංචි තරුණයන් 25ක් අත්අඩංගුවට ගෙන ඇති බව වැලිගම පොලිසිය පවසනවා.
එම පොලිසිය සඳහන් කරන්නෙ මෙම සාදය ඊයේ (14) දින රාත්‍රියෙ වැලිගම නගරයේ, පැලෑන ප්‍රදේශයේ ප්‍රසිද්ධ සංචාරක හෝටලයක දී සංවිධානය කර තිබූ බවයි.
මෙම තරුණයන් වයස අවුරුදු 25-30 වයසේ පසුවන අතර මොවුන් මාතර, කොළඹ, ඇඹිලිපිටිය, අහංගම සහ ගාල්ල ආදී දිවයිනේ විවිධ ප්‍රදේශවල පදිංචි කරුවන්.
එම තරුණයන් පිරිස විවිධ මත්ද්‍රව්‍ය භාවිතා කරමින් සාදයක් පවත්වන බවට පොලිසියට ලද තොරතුරක් මත මෙම වැටලීම සිදුකර තිබුණා.
එම තරුණයන්ව පරීක්ෂා කිරීමේ දී ඔවුන් සන්තකයේ තිබී නීති විරෝධී මත්ද්‍රව්‍යයන් වන හෑෂ්, ගංජා, සහ හඳුනා නොගත් මත්පෙති පොලිසිය විසින් සොයාගෙන තිබෙනවා.
මෙහිදී හෑෂ් මත්ද්‍රව්‍ය මිලිග්‍රෑම් 45300ක් ද ගංජා මිලිග්‍රෑම් 41100ක් ද හඳුනා නොගත් මත්පෙති ද මෙම පිරිස සන්තකයේ තිබී හමු වූ බවයි පොලිසිය පවසන්නේ.
සිද්ධිය සම්බන්ධයෙන් වැඩිදුර විමර්ශන වැලිගම මූලස්ථාන පොලිසිය විසින් සිදු කරන අතර සැකකරුවන් කොටවිල අධිකරණය වෙත ඉදිරිපත් කිරීමට නියමිතයි.
wpDiscuz
