සැප්තැම්බර් 21 වැනිදායින් පසු ලක්ෂ 220ක් ජනතාව ගත කරන දුකින් මුදවා ගන්නා සැමට සෞභාග්ය ලැබෙන සැමට සංවර්ධනය උදා කරන නව යුගයක්, දූෂණය වංචාව හොරකම තුරන් කරන යුගයක් ආරම්භ වන බව විපක්ෂ නායක සජිත් ප්රේමදාස පවසනවා.
ඔහු මෙඉ බව කියා සිටියේ අද (15) 2024 ජනාධිපතිවරණය සඳහා නාමයෝජනා බාර දීමෙන් අනතුරුව පාක්ෂිකයන් අමතමිනි.
පොදු ජනතාවට පරාර්ථකාමීව සේවාවක් කරන යුගයක් නියත වශයෙන්ම එලැඹෙන බවයි විපක්ෂ නායකවරයා එහිදී කියා සිටියේ.
ජනතාවගේ හයියෙන් ලක්ෂ 220ක් ජනතාව දිනවන ගමන සමගි ජන බලවේගය හා සමගි ජන සන්ධානය යන බවත් රට ගොඩගත හැකි උගත් බුද්ධිමත් කණ්ඩායම සිටින්නේ සමගි ජන බලවේගයට හා සමගි ජන සන්ධානයට බවත් ශ්රී ලංකාව ලොව අංක 1ට ගෙන ඒමේ ප්රතිපත්තිය තුළ සියලු දේ කැපකර පොදුජනතාව ජිවත් කරවන, රටේ නීතියට ගරු කරන, අහිමි වූ දේපල සම්පත හොරා කාපු මුදල් නැවත රටට ලබා ගන්නා පොදුජන යුගය බිහි කරන බවත් විපක්ෂ නායකවරයා එහිදී අවධාරණය කළා.
Malimawe copy