ජනාධිපතිවරණයේ දී ලංකා කම්කරු ජාතික සංගමයේ සහාය ජනාධිපති රනිල් වික්රමසිංහට ලබාදෙන බව එම සංගමයේ මහ ලේකම් සහ බදුල්ල දිස්ත්රික් පාර්ලිමේන්තු මන්ත්රී වඩිවේල් සුරේෂ් පවසනවා.
නුවරඑළිය දිස්ත්රික් ඉගෙනුම් සභාවේ අද (10) දින පස්වරුවේ ජනාධිපති රනිල් වික්රමසිංහගේ ප්රධානත්වයෙන් පැවති රැස්වීමක දී මන්ත්රීවරයා මේ බව සඳහන් කළා.
ජාති භේදයකින් තොරව වතුකරයේ ජනතාව ඇතුළු රටේ ජනතාවට විශාල සේවයක් කළ ජනාධිපති රනිල් වික්රමසිංහට වතුකරයේ ජනතාවගේ සහාය ලබාදෙන බවයි මෙහි දී වැඩිදුරටත් අදහස් දැක් වූ මන්ත්රිවරයා කියා සිටියේ.
වතුකරයේ ජනතාවගේ ආර්ථික තත්ත්වය සහ යටිතල පහසුකම් ඉහළ නැංවිමට කටයුතු කරන බවත්, වතු කම්කරුවන්ගේ දරුවන්ගේ අධ්යාපන තත්ත්වය ඉහළ දැමිමටත්, වතු කම්කරුවන්ට ඉඩම් අයිතිය ලබාදීමට කටයුතු කරන බවයි ජනාධිපතිවරයා මෙහිදී අදහස් දක්වමින් සඳහන් කළේ.
