අනුරාධපුර – මැදවච්චිය ප්රධාන මාර්ගයේ ඊයේ (23) රාත්රියේ දී සිදු වූ බිහිසුණු රිය අනතුරකින් පුද්ගලයින් දෙදෙනකු බරපතළ තුවාල ලබා රෝහල්ගත කර තිබෙනවා.
අප ප්රාදේශීය වාර්තාකරු පැවසුවේ මෙම රිය අනතුර සිදු ව ඇත්තේ සාලියපුර පොලිස් බල ප්රදේශයේ දී බවයි.
වෑන් රථයක්, ත්රීරෝද රථයක් හා අත් ට්රැක්ටරයක් එකිනෙක ගැටීමෙන් මෙම අනතුර සිදු වුණා.
අනතුරින් තුවාල ලබා ඇත්තේ වෑන් රථයේ රියදුරු සහ ත්රීරෝද රථයේ රියදුරු වන අතර ඔවුන් අනුරාධපුර ශික්ෂණ රෝහල වෙත ඇතුළත් කිරීමටයි පියවර ගැනුණේ.
තුවාලකරුවන් අනුරාධපුර – සාලියපුර හා සදමල්එළිය ප්රදේශයේ පදිංචිකරුවන්.
අනුරාධපුර දෙස සිට මැදවච්චිය දෙසට අත් ට්රැක්ටරය ගමන් කරමින් තිබිය දී ඊට පිටුපසින් ගමන් ගත් ත්රීවිල් රථය අත් ට්රැක්ටරයේ ගැටී මාර්ගයේ විරුද්ධ දිසාවෙන් පැමිණි වෑන් රථයක ද ගැටීමෙන් මෙම අනතුර සිදු ව ඇති බව පොලිසිය සඳහන් කළා.
අනතුර පිළිබඳ ව අනුරාධපුර පොලිසියේ රථවාහන අංශය විසින් පරීක්ෂණ සිදු කරනු ලබනවා.
