Rajapura Handi Oil
Rajapura Diabetic Powder

MH17 ගුවන් යානා අනතුරින් මියගිය 298 දෙනා සිහි කෙරේ

මීට වසර 10කට පෙර යුක්රේනයට ඉහළින් වෙඩි ප්‍රහාරයකට ලක් වූ MH17 ගුවන් යානා අනතුරෙන් මියගිය 298 දෙනා සිහිපත් කිරීමේ වැඩසටහනක් නෙදර්ලන්තයේ දී පැවැත්වුණේ මැලේසියාව, ඕස්ට්‍රේලියාව, බ්‍රිතාන්‍යය, බෙල්ජියම සහ යුක්රේනයේ නියෝජිතයින්ගේ ද සහභාගීත්වයෙන්.

2022 රුසියාවේ යුක්‍රේනය ආක්‍රමණය කිරීමේ පූර්වගාමියා වූ රුසියානු හිතවාදී බෙදුම්වාදීන් සහ යුක්‍රේන හමුදා අතර සටන් ඇවිළී යද්දී 2014 ජූලි 17 වැනිදා ඇම්ස්ටර්ඩෑම් සිට ක්වාලාලම්පූර් දක්වා පියාසර කරමින් තිබූ මැලේසියානු ගුවන් සේවයට අයත් MH17 ගුවන් යානය නැගෙනහිර යුක්‍රේනයට ඉහළින් වෙඩි තබා බිම හෙළනු ලැබුවා.

නෙදර්ලන්ත ජාතිකයන් 196ක් ඇතුළුව යානයේ සිටි මගීන් 283 දෙනෙක් සහ කාර්ය මණ්ඩලයේ 15 දෙනෙක් මිය ගියා.

ජාත්‍යන්තර පරීක්ෂණයක් මත පදනම්ව, 2022 දී නෙදර්ලන්ත අධිකරණයක් කියා සිටියේ යානයට රුසියානු මිසයිල පද්ධතියකින් වෙඩි තබා ඇති බවට කිසිදු සැකයක් නොමැති බවයි.

කෙසේ වෙතත් රුසියාව මෙම චෝදනා ප්‍රතික්ෂේප කරනවා.