නිරිත දිග චීනයේ වාණිජ ගොඩනැගිල්ලක ඇති වූ ගින්නකින් පුද්ගලයින් 16 දෙනෙකු ජීවිතක්ෂයට පත් ව තිබෙනවා.
NHK වෙබ් අඩවිය වාර්තා කරන පරිදි මෙම ගින්න ඇති වී ඇත්තේ නිරිතදිග චීනයේ සිචුවාන් ප්‍රාන්තයේ යි.
සිගොං නගරයේ තට්ටු 14කින් යුත් ගොඩනැගිල්ලක මෙම ගින්න හටගෙන තිබෙනවා.
එකවරම ගින්න හටගෙන ඇති අතර මුළු ගොඩනැගිල්ල ම වසාගත් කළු දුමාරයක් වහනය වී ඇති බවත් වාර්තා වනවා.
සමාජ මාධ්‍යයේ සංසරණය වන වීඩියෝවක දැක්වෙන්නේ එම ගොඩනැගිල්ලේ වහලය මතට නැගී එහි සිටි මිනිසුන් උදව් ඉල්ලා කෑ ගසන ආකාරයයි.
කෙසේවෙතත් ප්‍රාන්ත බලධාරීන් එක්ව දැඩි පරිශ්‍රමයකින් පැය 02කට පසුව ගින්න නිවා දැමුව ද, එහි බලපෑම මේ වනවිටත් පහව නොගොස් ඇති බවට ද වාර්තා වනවා.
ගින්න ඇතිවීමට හේතුව ලෙස සැක කෙරෙන්නේ ගොඩනැගිල්ලේ ඉදිකිරීම් කටයුතුවලින් නැගි ගැටලුවක් බවට ද සැලකෙනවා
ජනවාරි මාසයේදී ද නිරිත දිග චීනයේ ජියැන්ග්සි නගරයේ ගොඩනැගිල්ලක ද ගින්නක් හටගත් අතර ඉන් පුද්ගලයින් 39 දෙනෙකුට දිවි අහිමි වුණා.
