රුසියාවේ සංචාරයක නිරත වූ අග්‍රාමාත්‍ය නරේන්ද්‍ර මෝදිට මොස්කව් ක්‍රෙම්ලිනයේ ශාන්ත කැතරින් ශාලාවේ දී රුසියාවේ ඉහළම සිවිල් ගෞරව නාමය පිරිනමා තිබෙනවා.
මෙම සම්මානය 2019 වසරේදී අගමැති මෝදි වෙත පිරිනමන ලද අතර ඔහුට එය භෞතික වශයෙන් හිමි වූයේ ඊයේ (09) දිනයි.
රුසියාව සහ ඉන්දියාව අතර වරප්‍රසාද ලත් උපායමාර්ගික හවුල්කාරිත්වයක් සහ දෙරට අතර මිත්‍රශීලී සබඳතා වර්ධනය කිරීම සඳහා ඔහු කළ විශිෂ්ට දායකත්වය වෙනුවෙන් රුසියානු ජනාධිපති ව්ලැඩිමීර් පුටින් විසින් මෙම සම්මානය අගමැති මෝදි වෙත පිරිනමා තිබෙනවා.
“එය අපගේ ජාතීන් අතර මිත්‍රත්වය සහ අන්‍යෝන්‍ය අවබෝධය ශක්තිමත් කිරීම සඳහා ඔබ ලබාදෙන අවංක දායකත්වයට රුසියාවේ අවංක කෘතඥතාවයට සාක්ෂියකි… ඔබ සැමවිටම අපේ රට සමඟ පුළුල් සම්බන්ධතා වෙනුවෙන් පෙනී සිටියේය. ඔබ ගුජරාට් ප්‍රාන්තයේ ප්‍රධාන අමාත්‍යවරයාව සිටියදී, රුසියානු කලාප සමඟ ඔබේ ප්‍රාන්තය ද්විත්ව කිරීමේ මූලිකත්වය ගෙන ආවේ ඔබයි,” ජනාධිපති පුටින් සම්මානය ප්‍රදානය කරමින් පැවසුවා.
