රජයේ ශ්‍රම බළකා කළමනාකරණය ප්‍රශස්ත කිරීම අරමුණු කරගත් පියවරක් ලෙස නව බඳවා ගැනීම්වලට වඩා අතිරික්ත හෝ අමතර සේවකයන් නැවත යෙදවීමට ප්‍රමුඛත්වය දෙන ලෙස එම ආයතනවලට උපදෙස් දී තිබෙනවා.
පළාත් සභා සහ පළාත් පාලන රාජ්‍ය අමාත්‍ය ජනක වක්කඹුර විසින් මෙම උපදෙස් ලබා දී ඇති බවයි වාර්තා වුණේ.
රාජ්‍ය අංශය තුළ දැනට සිටින පිරිස් කාර්යක්ෂමව භාවිත කිරීමේ අවශ්‍යතාව අවධාරණය කරමින් රාජ්‍ය අමාත්‍යවරයා මෙම නියෝගය ප්‍රකාශයට පත් කර තිබෙනවා.
රාජ්‍ය ආයතනවල පුරප්පාඩු පවතින තනතුරු සක්‍රීයව හඳුනාගෙන එම පුරප්පාඩු පිරවීම සඳහා සුදුසු අතිරික්ත සේවකයන් යොමු කරන ලෙස ඔහු ආයතන ප්‍රධානීන්ට උපදෙස් දී ඇති බව සඳහන්.
පවතින ශ්‍රම බලකාය තුළ පවතින ඌන උපයෝගිතා විභවයන් පිළිබඳ ප්‍රධාන උදාහරණයක් ලෙස රාජ්‍ය අමාත්‍යවරයා වත්මන් සංවර්ධන නිලධාරීන්ගේ අතිරික්තය පෙන්වා දෙනවා.
මේ අතර රාජ්‍ය සේවය තවදුරටත් ප්‍රසාරණය කළ නොහැකි බව සෞඛ්‍ය අමාත්‍ය රමේෂ් පතිරණ පවසනවා.
අමාත්‍යවරයා පෙන්වා දෙන්නේ ජන අනුපාතයට අනුව ලෝකයේ වැඩිම රාජ්‍ය සේවකයින් සංඛ්‍යාවක් සිටින රට ශ්‍රී ලංකාව බවයි.
