යුක්තිය මෙහෙයුමට අදාළව ගතවූ පැය 24ක කාලයක් තුළ සැකකරුවන් 803 දෙනෙකු පොලිස් අත්අඩංගුවට ගෙන තිබෙනවා.
මත්ද්රව්ය වැරදි සම්බන්ධ සැකකරුවන් 562ක් සහ අපරාධ අංශ වෙත යොමු කළ ලැයිස්තුවේ සිටි සැකකරුවන් 241ක් ඊට අයත්.
මත්ද්රව්ය වැරදි සම්බන්ධ අත්අඩංගුවට ගත් සැකකරුවන් 562 දෙනා අතරින් සැකකරුවන් 05ක් සම්බන්ධයෙන් රැඳවුම් නියෝග මත වැඩිදුර විමර්ශන සිදුකරන අතර මත්ද්රව්යවලට ඇබ්බැහිවුවෙක් පුනරුත්තාපනය සඳහා යොමු කර තිබෙනවා.
පොලිස් මත්ද්රව්ය නාශක කාර්යංශය සහ පොලිස් විශේෂ කාර්යංශයේ ලැයිස්තුවේ සිටි සැකකරුවන් 10ක්ද අත්අඩංගුවට පත්වූවන් අතර වනවා.
එසේම, අපරාධ අංශවෙත යොමු කළ ලැයිස්තුවේ අත්අඩංගුවට ගත් සැකකරුවන් 241 දෙනා අතරින් මත්ද්රව්ය වැරදි සම්බන්ධව විවෘත වරෙන්තු නිකුත්ව සිටි සැකකරුවන් 11ක් සහ මත්ද්රව්ය නොවන වැරදි සම්බන්ධව විවෘත වරෙන්තුකරුවන් 214ක් ද සිටින බවයි පොලිසිය සඳහන් කළේ.
ඇඟිලි සටහන් මාධ්යයෙන් හදුනාගෙන අත්අඩංගුවට ගෙන නොමැතිව සිටි සැකකරුවන් 07ක් සහ අපරාධවලට අවශ්ය කරන සැකකරුවන් 09ක්ද මෙහෙයුම්වලදී අත්අඩංගුවට ගෙන තිබෙනවා.
ගතවූ පැය 24ක කාලය තුළ මෙම මෙහෙයුමේදී හෙරොයින් ග්රෑම් 212ක්, අයිස් ග්රෑම් 101ක්, ගංජා කිලෝ 01යි ග්රෑම් 852ක්, ගංජා පැල 443ක්, මාවා කිලෝ 02යි ග්රෑම් 117ක් සහ මත්පෙති 169 සොයාගෙන තිබෙනවා.
