බස්නාහිර පළාත භාර ජ්යෙෂ්ඨ නියෝජ්ය පොලිස්පති දේශබන්දු තෙන්නකෝන් පොලිස්පතිවරයා වශයෙන් පත්කිරීම වැළැක්වීමේ නියෝගයක් නිකුත් කරන ලෙස ඉල්ලා සමගි ජන බලවේගයේ හිටපු පාර්ලිමේන්තු මන්ත්රී මුජිබර් රහුමන් මහතා විසින් ශ්රේෂ්ඨාධිකරණයට මූලික අයිතිවාසිකම් පෙත්සමක් ඉදිරිපත් කර තිබෙනවා.
එම පෙත්සමේ වග උත්තරකරුවන් ලෙස ජනාධිපතිවරයා වෙනුවෙන් නීතිපතිවරයා, ආණ්ඩුක්රම ව්යවස්ථා සභාවේ සාමාජිකයින්, වැඩ බලන පොලිස්පති දේශබන්දු තෙන්නකෝන් ඇතුළු පිරිසක් නම් කර ඇති බවයි අප වාර්තාකරු සඳහන් කළේ.
පෙත්සම්කරු කියා සිටින්නේ වගඋත්තරකාර දේශබන්දු තෙන්නකෝන් පසුගියදා අත්අඩංගුවට ගනු ලැබූ පුද්ගලයෙකු කෲර වද හිංසාවට ලක් කිරීමේ චෝදනාවක් සම්බන්ධයෙන් ශ්රේෂ්ඨාධිකරණය මගින් වරදකරු කළ බවයි.
ඒ වෙනුවෙන් රුපියල් ලක්ෂ පහක වන්දියක් ගෙවන ලෙස ශ්රේෂ්ඨාධිකරණය විසින් දේශබන්ධු තෙන්නකෝන්ට නියම කළ බවත් පෙත්සම්කරු පෙන්වා දෙනවා.
ඊට අමතරව පාස්කු ප්රහාරය සම්බන්ධයෙන් සොයා බැලූ ජනාධිපති කොමිසම විසින්ද දේශබන්ධු තෙන්නකෝන් මහතාට එරෙහිව නිර්දේශ නිකුත් කර තිබෙන බවත් පෙත්සම්කරු පෙන්වා දෙනවා.
ඊට අමතරව ගාලු මුවදොර ගෝඨා ගෝ ගම අරගල භූමියට එලල වූ ප්රහාරය වළක්වා ගැනීමට කටයුතු නොකිරීම සම්බන්ධයෙන් ද දේශබන්දු තෙන්නකෝන්ට චෝදනා එල්ල වී තිබෙන බව පෙත්සමේ සඳහන්.
මෙම තත්ත්වය මත දේශබන්දු තෙන්නකෝන් පොලිස්පතිවරයා වශයෙන් පත් කරනු ලැබුවහොත් නීතියේ ආධිපත්යය බරපතළ ලෙස අභියෝගයට ලක්විය හැකි බැවින් ඔහු එම තනතුරට පත් කිරීම වැළැක්වීමේ නියෝගයක් නිකුත් කරන ලෙස පෙත්සම්කරු ශ්රේෂ්ඨාධිකරණයෙන් ඉල්ලා තිබෙනවා.
