අනවසර ඉදිකිරිම් වැළැක්වීම සඳහා පළාත් පාලන පනතට ඉදිරියේදී සංශෝධන කිහිපයක් ගෙන එන බව පළාත් සභා හා පළාත් පාලන රාජ්‍ය අමාත්‍ය ජානක වක්කුඹුර පවසනවා.
අනවසර ඉදිකිරීම් වැළැක්වීම සඳහා කඩිනම් ක්‍රියාමාර්ග ගැනීමට පවතින බාධක මෙමගින් දුරුවන බවයි ඔහු ප්‍රකාශ කළේ.
වරිපනම් බදු ඇතුලුව පළාත් පාලන ආයතනවල සියලු ගෙවීම් අන්තර්ජාල ගත කිරීමේ වැඩසටහන අකුරණ ප්‍රාදේශීය සභාවෙන් ආරම්භ කරමින් අමාත්‍යවරයා මෙම අදහස් පළ කර තිබෙනවා.
මහජන බැංකුව හා එක්ව මෙම වැඩසටහ ක්‍රියාත්මක වන අතර ප්‍රාදේශීය සභාවේ බදු ඇතුලු සියලු ගෙවීම් මාර්ගත ක්‍රමයට සිදුකිරීමට මෙමගින් හැකියාව ලැබෙනු ඇති.
එහිදී අදහස් දැක්වූ අමාත්‍යවරයා පෙන්වා දුන්නේ පළාත් පාලන ආයතන 346ක මෙම වැඩසටහන ක්‍රියාත්මක වන අතර 2024 වසරේ මාර්තු මාසය වන විට සියලුම පළාත් පාලන ආයතන තුළ අන්තර්ජාල ගෙවීම් සිදුකළ හැකි බවයි.
අනවසර ඉදිකිරීම් වැළැක්වීම සඳහා රාජ්‍ය ආයතන අතර ලිපි හුවමාරුවන කාලය තුළ දී ඉදිකිරීම් සිදුවන බවත් ඒවා ඉවත් කිරීමේ තීරණ ගැනීමේදී පුද්ගලයන් එහි පදිංචිවී සිටීම නිසා ගැටලු රැසක් මතුවන බව රාජ්‍ය අමාත්‍යවරයා පෙන්වා දෙනවා.
