නිවසට අවශ්‍ය පොල් තෙල් මිලදී ගැනීමට වෙළඳසැලටගිය තරුණයෙකු නිවස අසල පඩිපෙලින් ලිස්සා වැටී මියගොස් තිබෙනවා.
මෙලෙස ජිවිතක්ෂයට පත්වී ඇත්තේ නාවලපිටිය ගොරකඔය ප්‍රදේශයේ පදිංචි 20 හැවිරිදි තරුණයෙක්.
ඔහු අද උදෑසන 11ට පමණ නිවසට අවශ්‍ය පොල් තෙල් රැගෙන ඒම සඳහා අසල පිහිටි වෙළඳසැල වෙත ගොස් තිබූ බව සඳහන්.
එහිදී පඩිපෙලින් ලිස්සා වැටි ඇති ඔහු පොල්තෙල් ගෙන එමට රැගෙන ගිය හිස් බෝතලය බිඳී ගෙළ ප්‍රදේශයට බරපතල කැපුම් තුවාල සිදුවී තිබෙනවා.
ප්‍රදේශවාසීන් ඔහු නාවලපිටිය දිස්ත්‍රික් රෝහල වෙත ඇතුලත් කිරිමේදී ජීවිතක්ෂයට පත්ව ඇති බව අප වාර්තාකරු ප්‍රකාශ කළා.
මියගිය තරුණයාගේ සිරුර නාවලපිටිය රෝහලේ අධිකරණ වෛද්‍යවරයා වෙත යොමු කර ඇති අතර සිද්ධිය සම්බන්ධයෙන් නාවලපිටිය පොලිසිය පරීක්ෂණ සිදු කරනවා.
