ඉන්දියාවෙන් බිහි වූ සුපිරි ක්රිකට් ක්රීඩකයෙක් වන මහේන්ද්ර සිං දෝනිගේ අංක 07 කමිසය විශ්රාම ගැන්වීමට ඉන්දීය ක්රිකට් ආයතනය තීරණය කර තිබෙනවා.
ඒ, අනුව ඉදිරියේ දී ඉන්දීය කණ්ඩායමට ක්රීඩා කරන ක්රීඩකයින් සඳහා අංක 07 කමිසය පැළඳීමේ අවස්ථාව හිමිවන්නේ නැහැ.
මහේන්ද්ර සිං දෝනිට උපහාරයක් ලෙස ඉන්දීය ක්රිකට් ආයතනය මෙම තීරණය ගෙන ඇති බවයි ඉන්දීය මාධ්ය තොරතුරු වාර්තා කරන්නේ.
මේ අතර සුපිරි පිතිකරු සචින් ටෙන්ඩුල්කාර්ගේ අංක 10 කමිසය ද විශ්රාම ගැන්වීමට ඉන්දීය ක්රිකට් ආයතනය මීට පෙර කටයුතු කළා.
ඉන්දීය කණ්ඩායමේ ක්රීඩකයින් සඳහා දැනට අංක 60ක් ලබා දී ඇති බවයි ඉන්දීය ක්රිකට් ආයතනය සඳහන් කළේ.
“දැනට, ඉන්දීය කණ්ඩායමේ නිත්ය ක්රීඩකයින්ට සහ තරඟ වදින අයට ඔත්තේ සංඛ්යා 60ක් නම් කර තිබෙනවා. එබැවින් ක්රීඩකයෙකු වසරක් හෝ ඊට වැඩි කාලයක් කණ්ඩායමෙන් ඉවත්ව සිටිය ද, අපි ඔහුගේ අංකය නවකයෙකුට ලබා දෙන්නේ නැහැ” යනුවෙන් ඉන්දීය ක්රිකට් ආයතනයේ ප්රකාශකයෙක් පැවසුවා.
APE LEGENDS LAGETH EHEMA KALANAM NEDHA HONDHA. ARJUNA, ARAVINDA, MADUGALLE, SIDATH, SANATH, ROY, DULIP, DILSCOOP, MAHELA, SANGA, MEYALA APE SADATHANIKA CRICKET WEERAYO.