සිංහරාජ වනාන්තරයේ කිසිදු වන විනාශයක් සිදු වී නොමැති බව යුනෙස්කෝ ජාතික කොමිසම් සභාව ප්රකාශ කළා.
එහි ලේකම්, ජනරාල් ආචාර්ය පුංචිනිළමේ මීගස්වත්තේ වැඩිදුරටත් හිරු ප්රවෘත්ති අංශයට සඳහන් කළේ සිංහරාජ වනාන්තරය කිසිදු අවස්ථාවක ලෝක උරුම ලැයිස්තුවෙන් ඉවත් කිරීමේ අවදානමක් නොමැති බවයි
කෙසේ වෙතත් සිංහරාජ ලෝක උරුම වනාන්තරය තුළ හෙක්ටර්යාර 5ක වපසරියකින් යුත් ජලාශ දෙකක් තැනීම පිළිබඳව ඉල්ලීමක් යුනෙස්කෝ ආයතනයට යොමුකර ඇති බවත් මේ දක්වා එම ඉල්ලීම් වලට යුනෙස්කෝව ප්රතිචාර දක්වා නොමැති බවත් ආචාර්ය මීගස්වත්තේ පවසනවා.
මෙම සංවර්ධන ව්යාපෘතිය පිළිබඳව වාරිමාර්ග අමාත්ය චමල් රාජපක්ෂ ඇතුළු නිලධාරීන් පිරිසක් සමඟ පැවති සාකච්ඡාවකදී සිංහරාජ ලෝක උරුම වනාන්තරය සහ එහි පැවැත්මට බලපාන කරුණු සාකච්ඡා කළ බව ආචාර්ය මීගස්වත්තේ මහතා වැඩිදුරටත් ප්රකාශ කළා.
එහිදී අමාත්යවරයා ඇතුළු පිරිස පවතින තත්වය අවබෝධ කරගැනීමෙන් අනතුරුව අදාළ සංවර්ධන ව්යාපෘතිය ඉවත්කරගැනීමට කැමැත්ත පළකර තිබෙනවා.
ඒ අනුව කිසිදු අවස්ථාවක හෙක්ටයාර 8000කින් සමන්විත සිංහරාජ ලෝක උරුම වනාන්තරය තුළ ඇති ජෛව විවිධත්වයට හානි ආකාරයේ කිසිදු ඉදිකිරීමක් සිදුකිරීමක් නොකෙරෙන බව ආචාර්ය පුංචිනිළමේ මීගස්වත්තේ වැඩිදුරටත් සඳහන් කළා.
මේ අතර, සිංහරාජයේ වන විනාශයක් සිදුවන බවට අසත්යය චෝදනා කරමින් ඇතැම් පාර්ශව රජය අපහසුතාවට පත් කරමින් සිටින බව ආණ්ඩු පක්ෂ මන්ත්රීවරුන් පවසනවා.
ඔවුන් මේ බව කියා සිටියේ සිංහරාජ රක්ෂිතයේ හෝටලයක් ඉදිකරන බවට පැවසෙන ප්රදේශයේ ඊයේ සිදුකළ නිරීක්ෂණ චාරිකාවකින් අනතුරුවයි.
