සංචාරක නවසීලන්තයට එරෙහි ව පැවැත්වෙන පළමු ටෙස්ට් තරගයේ දෙවැනි දිනය අද නිමා වන විට සත්කාරක බංග්ලාදේශය ප්‍රතිවාදීන්ට වඩා තවත් ලකුණු 44ක් ඉදිරියෙන් සිටිනවා.
තරගයේ දෙවැනි දිනය වන අද දිනයේ දී පන්දුවට පහර දුන් නවසීලන්ත කණ්ඩායම අද දිනයේ දී තරගය නතර කරන විට කඩුලු 08කට ලකුණු 266ක් ලබාගෙන සිටියා.
පළමු ටෙස්ට් තරගයේ කාසියේ වාසිය දිනූ බංග්ලාදේශය පළමු ඉනිම පිතිකරණයෙන් ගොඩනගමින් සියල්ලන් ම දැවී ලකුණු 310ක් ලබා ගැනීමට සමත් වුණා.
බංග්ලාදේශයේ පළමු ඉනිම වෙනුවෙන් ඉහළ ම ලකුණුලාභියා වූයේ Mahmudul Hasan Joy වන අතර ඔහු ලකුණු 86ක් ලබා ගත්තා.
කඩුලු දවා ගැනීමේ දී නවසීලන්තය වෙනුවෙන් ග්ලේන් පිලිප්ස් ලකුණු 53කට කඩුලු 04ක් ද, කඩුලු 02 බැගින් පිළිවෙළින් Kyle Jamieson සහ Ajaz Patel විසින් බිඳ දමනු ලැබුවා.
එක් කඩුල්ල බැගින් බිඳ දැමුවේ ටිම් සවුති සහ ඉෂ් සෝධි යි.
ඉන් අනතුරුව සිය පළමු ඉනිම ඇරඹූ නවසීලන්ත කණ්ඩායම මේ වනවිට කඩුලු 08ක් දැවී ලකුණු ලබා ගනිමින් සිටිනවා.
නවසීලන්තය වෙනුවෙන් පළමු ඉනිමේ වැඩිම ලකුණුලාභියා වූයෙ නායක කේන් විලියම්සන්.
ඔහු විශිෂ්ට ටෙස්ට් ශතකයක් (104) ක් ලබා ගත්තා.
ග්ලේන් පිලිප්ස් සහ ඩැරිල් මිචෙල් අර්ධ ශතක ආසන්නයේ දී දැවී ගියා.
කඩුලු බිඳ දැමීමේ දී ටජ්මුල් ඉස්මාල් ලකුණු 61කට කඩුලු 04ක් බිඳ දමා තිබුණා.
එක් කඩුල්ල බැගින් ශොරිෆුල්, නයීම්, මෙහිදි සහ මොමිනුල්ට හිමි වුණා.
තරගය බංග්ලාදේශයේ Sylhet හි දී පැවැත්වෙන අතර හෙට තරගයේ තෙවැනි දිනයයි.
