රාජාංගණයේ වාන් දොරටු ඇරේ – අත්තනගලු ඔයත් පිටාර ගලයි

අධික වර්ෂාපතනය හේතුවෙන් මේ වනවිට රාජාංගණයේ ජලාශයේ ද වාන් දොරටු විවෘත කර තිබෙනවා.

අප ප්‍රාදේශීය වාර්තාකරු පැවසුවේ; මේ වනවිට ජලාශයේ වාන් දොරටු විවර කිරීම නිසා තත්ත්පරේට ඝන අඩි 7100ක ජල ධාරිතාවක් කලා ඔයට මුදා හැරෙන බවයි.

වාන් දොරටු 04ක් අඩි 04 බැගින් ඉහළට ඔසවා තිබෙනවා.

තවත් වාන් දොරටු 02ක් අඩි 03 බැගින් ද , සෙසු දොරටු දෙක අඩි 02 බැගින් ද විවර කර ඇති බවයි අප ප්‍රාදේශීය වාර්තාකරු පැවසුවේ.

මීට අමතර ව මේ දිනවල ඇදහැලෙන ධාරානිපාත වර්ෂාව හේතුවෙන් අත්තනගල්ල ඔය පිටාර ගලා තිබෙනවා.

මේ නිසා තිහාරිය ප්‍රදේශය ම ජලයෙන් යට වී ඇති බවයි වාර්තා වන්නේ.

වාරන සහ මාරගහ යන ප්‍රදේශවලට ගංවතුර අවදානමක් ද ඇති ව තිබෙන බවත් වාර්තා වනවා.

මේ නිසා එම ප්‍රදේශවල දෛනික කටයුතු අඩාල වී ඇති බවත් සඳහන්.

කෙසේවෙතත් උදෑසන වන විට දී යම් ප්‍රමාණයකින් ජලය බැස යාම ආරම්භ වී ඇති බව ද අප ප්‍රාදේශීය වාර්තාකරු ප්‍රකාශ කළා.